Kampanija Microsoft zaklikaje ŭładalnikaŭ noŭtbukaŭ Asus nie abnaŭlać Windows 11, bo pry adnaŭleńni moža zdarycca «sini ekran śmierci», ci, kažučy inakš, krytyčny zboj u apieracyjnych sistemach.
Prablema zakranaje madeli Asus liniejki VivoBook, a mienavita X415KA i X515KA na pracesarach Intel 10 i 11 pakaleńniaŭ pry abnaŭleńni da Windows 11 24H2. Microsoft sumiesna z vytvorcam pracuje nad rašeńniem hetaj prablemy.
Da ŭchileńnia zboju pryłady nie buduć atrymlivać apaviaščeńni ab dastupnaści abnaŭleńnia Windows 11 24H2, a karystalnikam rekamiendujuć nie ŭstaloŭvać jaho ŭručnuju.
Paśla abnaŭleńnia na kampaniju pasypalisia skarhi na zavisańnie prahram pry vykarystańni ŭbudavanaj kamiery, zboi pry zapusku Voicemeeter, stvareńnie nievydalalnaha kešu abnaŭleńnia abjomam 8,63 hihabajta, niedastupnaść internetu i inšyja prablemy.
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary