Na 10 hadoŭ asudzili minčuka za DTZ, u jakim zahinuli čatyry čałavieki
Sud Minskaha rajona vynies prysud vinavatamu ŭ avaryi, u jakoj zahinuła siamja z Rasii. Jamu pryznačana pakarańnie ŭ vyhladzie pazbaŭleńnia voli na maksimalny termin, praduhledžany sankcyjaj artykuła, — 10 hadoŭ kałonii ahulnaha režymu.
Taksama jaho na 8 hadoŭ pazbavili prava zajmacca dziejnaściu, źviazanaj z kiravańniem transpartnymi srodkami. Pra heta ŭ efiry telekanała ANT raspaviała dziaržaŭnaja abvinavaŭca Hienieralnaj prakuratury Taćciana Hrakun.
Śmiarotnaja avaryja adbyłasia ŭ kancy červienia. Pjany kiroŭca na Mercedes-Benz na vialikaj chutkaści začapiŭ spadarožnaje taksi, jakoje adkinuła na darožnuju aharodžu. Pasažyry — rasijanie: pažyłaja žančyna, jaje dačka i dźvie ŭnučki — zahinuli na miescy. Siamja viartałasia dadomu i jechała ŭ aeraport.
Viadoma, što napiaredadni trahiedyi abvinavačany raśpivaŭ śpirtnyja napoi sa svaim pryjacielem. Vypitaha zdałosia mała, i jon nakiravaŭsia ŭ kramu na aŭtamabili. Darohaju jon pieradavaŭ rul svajmu tavaryšu, jaki naohuł nie mieŭ paśviedčańnia kiroŭcy. Pad ranicu maładyja ludzi vyrašyli pajechać u hości da znajomaj u Maskvu, i kiroŭca źniaŭ numary z mašyny. Pavodle słoŭ śviedkaŭ, padčas pajezdki jon pastajanna adciahvaŭsia ad kiravańnia i nie zaŭvažyŭ, jak aŭtamabil na vialikaj chutkaści nabližajecca da taksi. Pjany kiroŭca nie paśpieŭ zreahavać.
«Prymajučy pad uvahu hramadskuju niebiaśpieku ŭčynienaha złačynstva, a taksama z ulikam asoby abvinavačanaha, jamu, u adpaviednaści z častkaj piataj artykuła 317 Kryminalnaha kodeksa Respubliki Biełaruś, pryznačana pakarańnie ŭ vyhladzie pazbaŭleńnia voli na maksimalny termin, praduhledžany sankcyjaj artykuła, — 10 hadoŭ z adbyvańniem pakarańnia ŭ papraŭčaj kałonii va ŭmovach ahulnaha režymu, i pazbaŭleńnie prava zajmacca dziejnaściu, źviazanaj z kiravańniem transpartnymi srodkami, na vosiem hadoŭ», — havorycca ŭ pastanovie suda.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary