Pierad «Marafonam adzinstva» ŭ Žłobinie dziaciej navučać imitavać «aktyŭny parter»
U navučalnyja ŭstanovy Žłobinskaha rajona pastupiła raznaradka ab pryciahnieńni vučniaŭ da ŭdziełu ŭ masoŭcy tak zvanaha «Marafonu adzinstva». Pra heta stała viadoma vydańniu «Fłahštok» ad krynicy, źviazanaj ź sistemaj školnaj adukacyi.
Akcyja hetaj prapahandysckaj kampanii, prymierkavanaj da prezidenckich vybaraŭ, pryznačanych siońnia na 26 studzienia 2025 hoda, projdzie ŭ Žłobinie 25-26 kastryčnika.
Dla repietycyi dziejańniaŭ masoŭki pad scenaj dziaciej pavinny nakiravać 24 kastryčnika ŭ pałac hulniavych vidaŭ sportu. Repietycyja budzie prachodzić u vučebny čas na praciahu siami hadzin. Vyjaznoje charčavańnie dzieciam arhanizoŭvać nie płanujecca.
U adpaviednaści z patrabavańniem Žłobinskaha rajvykankama, nieabchodna «zabiaśpiečyć udzieł» zhodna z zahadzia padrychtavanymi śpisami i prainfarmavać pra heta adździeł ideałahičnaj raboty.
Dzieciam pryjdziecca repieciravać «aktyŭny parter» — enierhičnuju padtrymku vystupoŭcaŭ. U Homieli hetuju rolu adyhryvali studenty VNU, apranutyja ŭ čyrvonyja i zialonyja futbołki.
Padčas akcyi ŭ Žłobinie anansavanyja «vystavy, kvest, sustrečy ź viadomymi ludźmi, kancert najlepšych tvorčych kalektyvaŭ krainy». Pad «viadomymi ludźmi» majecca na ŭvazie, u pryvatnaści, deputat-prapahandyst Vadzim Hihin.
Kamientary