Biełarus, jaki abjaŭlaŭ haładoŭku praz aŭtamabil, jaki zachras u Kłajpiedzie, atrymaŭ niečakany adkaz ź litoŭskaj mytni
Atrymała praciah historyja biełarusa, jaki abjaŭlaŭ haładoŭku ŭ Kłajpiedzie z-za zatrymanaha ŭ porcie aŭtamabila. Pa-pieršaje, jon atrymaŭ list ź litoŭskaj mytni (choć źviartaŭsia ŭ Siejm), a pa-druhoje, Ryhor Aleksijevič maje namier praciahvać pratest u ZŠA — mužčyna płanuje pravodzić pikiety kala dypłamatyčnych pradstaŭnictvaŭ Litvy, piša «Novaja hazieta. Bałtyja».
— Niekatory čas ja čakaŭ, — tłumačyć Ryhor Aleksijevič. — U Litvie prachodzili vybary ŭ parłamient, i mianie prasili nie nahniatać situacyju. Adnak elektaralnaja kampanija prajšła, i zaraz ja maju namier dziejničać.
Na praciahu apošnich miesiacaŭ biełarus sprabuje dabicca vydačy Honda CR-V (2020 h.v.), jaki jon nabyŭ na adnym z amierykanskich aŭkcyjonaŭ i jaki byŭ dastaŭleny ŭ Kłajpiedu.
Adnak z 4 červienia 2024 hoda hramadzianie Biełarusi, jakija nabyli transpartnyja srodki ŭ ZŠA, mohuć vyvieźci niekatoryja lehkavuški (z ruchavikom abjomam bolš za 1,9 litra) ź Litvy tolki pry pradjaŭleńni dadatkovych dakumientaŭ. U tym liku dekłaracyi vytvorcy transpartnaha srodku z paćviardžeńniem, što aŭtamabil nie budzie pradadzieny ŭ Rasiju. Zrazumieła, takoj daviedki ŭ pakupnikoŭ niama — amierykanskija aŭkcyjony ich nie vydajuć.
— Ja praciahvaŭ haładoŭku na praciahu 12 dzion i spyniŭ paśla taho, jak pradstaŭniki Siejma Litvy mianie asabista zapeŭnili, što majo pytańnie budzie razhladacca ŭ admysłovym paradku, — nahadvaje Ryhor Aleksijevič. — Ja nakiravaŭ svoj zvarot u parłamient.
Paśla hetaha biełarus viarnuŭsia dadomu, u Minsk, a praź niekatory čas vylecieŭ u ZŠA, dzie jaho čakała praca. Tam jon pravioŭ akcyju pratestu ŭ Sakramenta (Kalifornija).
— U siaredzinie kastryčnika ja atrymaŭ adkaz z mytnaj słužby Litvy (skrynšot jość u rasparadžeńni redakcyi — zaŭv. Red.), chacia ja čakaŭ lista ź Siejma, — kaža biełarus. — Adkaz mytnikaŭ mianie, miakka kažučy, źbiantežyŭ.
U liście pieraličvajucca asnoŭnyja pracedury, jakija prachodziŭ Honda CR-V: aŭtamabil byŭ źmieščany na časovaje zachoŭvańnie, aformlenaja adpaviednaja dekłaracyja.
Taksama mytnaja słužba adznačaje, što byŭ ustanoŭleny niejki lhotny pieryjad, adnak krasovier «nie byŭ zadekłaravany dla vyvazu na terytoryju Biełarusi».
— Kali čytać papieru, to atrymlivajecca, što ja sam nie prykłaŭ namahańni dla jaho transparciroŭki, nie zadekłaravaŭšy tranzit! — aburajecca ŭładalnik Honda. — Ale heta nie tak. Kali ja damahaŭsia mienavita hetaha dazvołu ŭ Kłajpiedskaj terytaryjalnaj mytni, mnie stała drenna, i mianie špitalizavali ŭ lakarniu. Tady kateharyčna admovilisia vydavać aŭtamabil, chacia napiaredadni padali tranzitnyja numary.
Jak miarkuje biełarus, ilhotny pieryjad, pra jaki moža iści havorka, dziejničaŭ da 3 kastryčnika, adnak list jon atrymaŭ tolki 15 kastryčnika.
«Vychodzić mnie paviedamili, što ja nibyta moh skarystacca pravam tranzitu, kali termin užo vyjšaŭ», — reziumuje ŭładalnik aŭtamabila.
Jon padkreślivaje, što raźličvaŭ na adkaz pa sutnaści i pavieryŭ abiacańniu pradstaŭnika Siejma, a zaraz nie chavaje svajho rasčaravańnia.
Pavodle jaho słoŭ, jon pa-raniejšamu čakaje adkaz z parłamienta, a, kali nie atrymaje jaho pa sutnaści, maje namier praciahvać akcyi pratestu ŭ ZŠA — kala dypłamatyčnych pradstaŭnictvaŭ Litvy.
Tym časam Honda CR-V, jakaja naležyć Ryhoru Aleksijeviču, pa-raniejšamu znachodzicca ŭ Kłajpiedzie.
Kamientary
Jość ci nie Biełarus Biełarusu