Mova33

Kolki ciapier biełaruskamoŭnych kłasaŭ u Minsku?

U staličnym kamitecie adukacyi ličać, što biełaruskuju movu dobra vykładajuć i ŭ ruskamoŭnych škołach.

Namieśnica staršyni kamiteta pa adukacyi Minharvykankama Volha Śmirnova adznačyła na BT, što na praciahu apošnich piaci hadoŭ kolkaść biełaruskamoŭnych kłasaŭ u Minsku nie pamianšajecca.

Jana trymajecca ŭ miežach 160—170 kłasaŭ. U hetym hodzie ŭ stalicy na biełaruskaj movie pačali pracavać 17 pieršych kłasaŭ, paviedamiła čynoŭnica.

I dadała, što ŭ ruskamoŭnych škołach biełaruskaja mova vykładajecca nie horš.

«Vyniki navučańnia biełaruskaj movie my cudoŭna nazirajem na prykładzie ŭdziełu našych staličnych školnikaŭ i himnazistaŭ u respublikanskim etapie alimpijady pa biełaruskaj movie i litaratury. Kožny hod našy dzieci pryvoziać z zaklučnaha etapu alimpijady prykładna 7—9 dypłomaŭ».

U minułym navučalnym hodzie z 9 dypłomaŭ zaklučnaha etapu alimpijady pa biełaruskaj movie 8 atrymali dzieci, jakija navučajucca ŭ ruskamoŭnych škołach i himnazijach stalicy.

«Ci heta nie pakazčyk jakasnaj pracy nastaŭnikaŭ biełaruskaj movy ŭ zvyčajnych škołach?» — zaŭvažyła Śmirnova. Situacyju ŭ škołach jana kamientavała pa-biełarusku.

Raniej čynoŭnica ŭ intervju vydańniu «Minsk-Naviny» raskazała, što sioleta ŭ pieršy kłas u Minsku pajšli 22 tysiačy vučniaŭ. Dla ich stvorana kala 860 kłasaŭ. Takim čynam, kolkaść biełaruskamoŭnych kłasaŭ składaje mienš za 2%.

Kamientary3

  • Adukacyja
    30.10.2024
    Adukacyja na rodnoj movie nie raŭno ŭroki biełaruskaj movy i litaratury.
    Kali čałaviek tolki movu i litaraturu na rodnaj movie vyvučaje, u jaho biedny słoŭnikavy zapas, jon moža na humanitarnyja temy razmaŭlać, ale nie moža na ekanamičnyja, jurydyčnyja, navukovyja temy havaryć. Bo nie vałodaje terminałohijaj.
    Hieahrafičnyja, histaryčnyja terminy vyklikajuć błytaninu, kali hieahrafija i historyja vykładajucca na inšaj movie, nie biełaruskaj.
    Pačynajucca "Miory" zamiest "Miory".
  • Aleks Ždan
    30.10.2024
    Dla zasvajeńnia rodnaj movy vielmi važny asiarodak. Kali dzieci bačać, što staršakłaśniki i błohiery razmaŭlajuć pa-rusku, jany buduć razmaŭlać pa-rusku i ličyć biełaruskuju movu čymści druhasnym.
    Kab pierałamić situacyju, patrebny dva čyńniki. Pieršy, i hałoŭny, heta matčyna mova. Baćki, i asabliva maci, pavinny razmaŭlać ź dziciom pa-biełarusku z samych pieršych dzion žyćcia, kab u škołu jano ŭžo pryjšło sa sfarmavanaj biełaruskaj śviadomaściu, a tam sistematyzavała i papaŭniała viedy. Druhi, heta stvareńnie modnaha biełaruskaha kantentu. Jak tut, na Našaj Nivie, kazaŭ japoniec, treba strymić Dotu pa-biełarusku i da t.p.
    Dzieci i padletki lubiać niezvyčajnaje, niefarmalnaje, zabaronienaje, krutoje, i tamu situacyja, možna skazać, spryjaje pašyreńniu biełaruskaj movy. Ale biez hetych dvuch momantaŭ my mocna nie prasuniemsia.
  • Tak
    30.10.2024
    Biełaruskaja mova ŭ Biełarusi dabivajecca, rusifikacyja ŭzmocniłasia. Tym časam mnohija "oppozicioniery novoj vołny" nie tolki nie mohuć skazać i napisać słova pa-biełarusku, ale jašče baroniać rasiejščynu i vykazvajucca, što heta narm. Asabliva babarykancy i źviazanaje ź imi asiarodździe ŭ KR. A jašče ŭ pieršych na staroncy napisana, što rasiejskaja mova "naš aktiv".
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

«Doŭha źbirałasia z dumkami, kab udžalicca hetaj štukaj»: Hanna Bond pačała kałoć «Azempik». Ale nie kab pachudzieć14

«Doŭha źbirałasia z dumkami, kab udžalicca hetaj štukaj»: Hanna Bond pačała kałoć «Azempik». Ale nie kab pachudzieć

Usie naviny →
Usie naviny

Departacyja, admova ŭ hramadzianstvie novanarodžanym? Što ciapier moža pahražać biełarusam u ZŠA

Kryšcijanu Ranałdu nazvaŭ siabie najlepšym futbalistam u historyi7

Vieniesuełka ź Biełarusi vyjhrała kulinarnaje šou «Bitva šefaŭ» u Maskvie

Kitaj adkazaŭ svaimi pošlinami na handlovyja miery ZŠA4

Pamior Iosif Navumčyk4

«Hłabalna niama roźnicy pamiž mnoj, Paźniakom i Cichanoŭskaj». Čym siońnia žyvie dysident Viačasłaŭ Siŭčyk — vialikaja hutarka80

«Heta mianie złamała». Biełarus, u jakoha ŭ Hdańsku spalili dom-pryčep, sprabavaŭ skončyć žyćcio samahubstvam9

ZŠA adkładajuć sankcyi suprać Kanady na miesiac5

Ci moža ChatGPT zamianić psichołaha. Voś naš ekśpierymient4

bolš čytanych navin
bolš łajkanych navin

«Doŭha źbirałasia z dumkami, kab udžalicca hetaj štukaj»: Hanna Bond pačała kałoć «Azempik». Ale nie kab pachudzieć14

«Doŭha źbirałasia z dumkami, kab udžalicca hetaj štukaj»: Hanna Bond pačała kałoć «Azempik». Ale nie kab pachudzieć

Hałoŭnaje
Usie naviny →

Zaŭvaha:

 

 

 

 

Zakryć Paviedamić