Aneli Kolk žyvie ŭ šmatpaviarchoŭcy, u jakuju trapiŭ dron ranicaj 7 listapada.
Pra zdareńnie raspavioŭ ministr zamiežnych spraŭ Estonii Marhus Cachkna.
Jon paviedamiŭ, što pasoł nie paciarpieła.
«Jana mieła ščaście, što nie paciarpieła. Nichto va Ukrainie nie znachodzicca ŭ biaśpiecy, pakul Rasija nie spynić svaju ahresiju. Ukrainie patrebna bolš srodkaŭ PPA dla abarony svaich žycharoŭ. My nie pavinny da hetaha pryvykać», — zajaviŭ ministr.
Sama Kolk adznačyła, što ŭ kastryčniku ŭ Kijevie była tolki adna noč biez pavietranaj tryvohi. U noč na 7 listapada tryvoha doŭžyłasia vosiem hadzin: spačatku pasoł razam z mužam schavalisia ŭ padvale ich doma, ale ŭ peŭny momant im padałosia, što ataka skončyłasia, i jany viarnulisia ŭ svaju kvateru na vierchnich pavierchach budynka.
«Adnak drony praciahvali latać i atakavać, i naš dom taksama paciarpieŭ» — raskazała Kolk ERR, dadaŭšy, što dron, jaki trapiŭ u budynak kala pałovy na piatuju ranicy, na ščaście, nie pryvioŭ da hibieli ludziej.
Sama Kolk nie paciarpieła i moža praciahnuć žyć u tym ža domie.
U noč na 7 listapada rasijanie zapuścili pa Ukrainie 106 bieśpiłotnikaŭ. Ukrainskija vajskoŭcy źbili 74 drony, jašče 25 bieśpiłotnikaŭ byli stračany ŭ roznych rehijonach Ukrainy, paviedamlali Pavietranyja siły Ukrainy.
U Kijevie abłomki źbitych dronaŭ upali ŭ čatyroch rajonach i stali pryčynaj pažaraŭ.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu15
Kamientary