Анэлі Кольк жыве ў шматпавярхоўцы, у якую трапіў дрон раніцай 7 лістапада.
Пра здарэнне распавёў міністр замежных спраў Эстоніі Маргус Цахкна.
Ён паведаміў, што пасол не пацярпела.
«Яна мела шчасце, што не пацярпела. Ніхто ва Украіне не знаходзіцца ў бяспецы, пакуль Расія не спыніць сваю агрэсію. Украіне патрэбна больш сродкаў ППА для абароны сваіх жыхароў. Мы не павінны да гэтага прывыкаць», — заявіў міністр.
Сама Кольк адзначыла, што ў кастрычніку ў Кіеве была толькі адна ноч без паветранай трывогі. У ноч на 7 лістапада трывога доўжылася восем гадзін: спачатку пасол разам з мужам схаваліся ў падвале іх дома, але ў пэўны момант ім падалося, што атака скончылася, і яны вярнуліся ў сваю кватэру на верхніх паверхах будынка.
«Аднак дроны працягвалі лятаць і атакаваць, і наш дом таксама пацярпеў» — расказала Кольк ERR, дадаўшы, што дрон, які трапіў у будынак каля паловы на пятую раніцы, на шчасце, не прывёў да гібелі людзей.
Сама Кольк не пацярпела і можа працягнуць жыць у тым жа доме.
У ноч на 7 лістапада расіяне запусцілі па Украіне 106 беспілотнікаў. Украінскія вайскоўцы збілі 74 дроны, яшчэ 25 беспілотнікаў былі страчаны ў розных рэгіёнах Украіны, паведамлялі Паветраныя сілы Украіны.
У Кіеве абломкі збітых дронаў упалі ў чатырох раёнах і сталі прычынай пажараў.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары10
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары