Minčuk abyhraŭ znatakoŭ i atrymaŭ 980 rubloŭ za svajo pytańnie
Voś čym biełarus pastaviŭ hulcoŭ u tupik.
U piataj vosieńskaj hulni azierbajdžanskaha kłuba «Što? Dzie? Kali?» kamanda Husiejna Mamiedava prajhrała telehledačam ź likam 4:6. Adno z pytańniaŭ na hulniu dasłaŭ minčuk Siarhiej Nikałajeŭ, piša «Kamsamołka».
Jaho pytańnie hučała tak:
«Uletku 1964 hoda leninhradski kampazitar Dźmitryj Šastakovič u składzie savieckaj delehacyi naviedaŭ Vienhryju. Paśla aficyjnaj častki vizitu jon razam z kalehami adpraviŭsia na niekalki dzion adpačyć na voziera Bałaton. U adzin ź dzion Šastakovič z samaj ranicy nie znachodziŭ spakoju z-za ŭźnikłaj prablemy. Rašeńnie jamu padkazaŭ adzin z kalehaŭ. Paśla hetaha, kampazitar arandavaŭ łodku i adpraviŭsia dalej ad bieraha. U čornaj skryni znachodzicca toje, što kampazitar uziaŭ z saboj. Što ŭ čornaj skryni?»
Znataki ahučyli svaju viersiju — mietranom.
«Jon nie moh skancentravacca, chacieŭ niešta napisać. Dla poŭnaj cišyni treba było adpravicca dalej ad ludziej. Tamu arandavaŭ łodku, adpraviŭsia na voziera i pry dapamozie mietranoma niešta składaŭ».
Viadučy ahučyŭ adkaz:
«Budučy haračym prychilnikam futbolnaha kłuba «Zienit», u toj dzień, kali kłub pravodziŭ futbolny matč, jon byŭ zaniepakojeny tym, što nie moh złavić Leninhradskuju chvalu na radyjoprymač, kab pasłuchać hulniu. Adzin ź jaho kaleh padkazaŭ, što na adkrytaj vadzie sihnał łovicca lepš. Reč u tym, što na vadzie amal niama pieraškod i jana dobra adbivaje radyjochvali dziakujučy vysokaj dyelektryčnaj pranikalnaści i ščylnaści».
Minčuk za svajo pytańnie zarabiŭ 980 biełaruskich rubloŭ.
Svajak Viktara Łukašenki zajmaje vysokija pasady ŭ KDB. Heta vyśvietliłasia, kali zabrali budynak dziciačaj palikliniki9
Kamientary