Viadomaja vodanapornaja vieža Minska chutka adčynić dźviery. Jak budynak vyhladaje znutry zaraz
Pra toje, što ŭ samoj pryhožaj vodanapornaj viežy Minska adkryjecca kafe, stała viadoma jašče letam. Płanavałasia, što ŭ budynku, jaki apošnija hady znachodziŭsia va ŭłasnaści adnaho ź minskich architektaraŭ, buduć funkcyjanavać dva pavierchi. Dla hetaha ŭnutry elehantnaj pabudovy płanavałasia ŭźvieści leśvicu.
Z časam navina straciła aktualnaść na fonie inšych padziej. I pakolki raboty viaducca vyklučna ŭnutry, źniešnija źmieny nie zaŭvažyć, piša Onliner.by.
Jak bačna, ramont jašče ŭ pracesie. Da finišu jašče davoli daloka. Adnak, pa słovach minčuka, kafe pavinna adkrycca ŭžo ŭ śniežni. Treba adznačyć, što pieršapačatkova zaviaršeńnie prajekta było zapłanavana da 7 listapada. Ale ramont, dy jašče ŭ budynku, jaki maje histaryčna-kulturnuju kaštoŭnaść, sprava nie prostaja. Tamu terminy byli pieraniesieny.
@bazilevs77 Staraja vodonapornaja ž/d bašnia . Minsk. #riekomiendacii #ktomołodieciamołodiec #chočuvriek #topčik #rieki #tiktokminsk #vsiempriviet #minskistorija #starajabašnia ♬ orihinalnyj zvuk - Bazilevs77
Vieža znachodzicca na praśpiekcie Žukava. Mahčyma, heta spryjaje raźvićciu prajekta i zabiaśpiečyć kafe dobry trafik. A atmaśfiera tam budzie sapraŭdy ŭnikalnaja: tolki pahladzicie na hetyja vokny, cahlanuju kładku!
Darečy, u červieni 2022 hoda ŭładalnik pradavaŭ viežu, jakaja doŭhi čas była zakryta dla čužych, usim žadajučym. Redki abjekt byŭ acenieny ŭ $600 000 pa kursie.
-
Stała viadoma, kamu naležyć vytančanaje francuzskaje bistro ŭ Minsku. Vam nie spadabajecca
-
U Polščy pradstavili jašče adzin zakonaprajekt ab hramadzianstvie: 15 hadoŭ žyćcia ŭ krainie, polskaja na ŭzroŭni S1 i daviedka ab niesudzimaści na radzimie
-
«Mielnikava nie abaviazkova ahientka KDB, jana moža być achviaraj. A Łabiejeŭ jaje kupiŭ tym, što nazvaŭsia adzinokim baćkam ź dziećmi»
Kamientary