Uzłamanaja ŭnutranaja sietka Nacyjanalnaha banka Biełarusi. Što viadoma?
U rukach chakieraŭ akazalisia dziasiatki tysiač numaroŭ telefonaŭ, elektronnych pošt, adrasoŭ i poŭnych imionaŭ karystalnikaŭ razam ź inšym masivam techničnaj i sakretnaj infarmacyi.
Siońnia stała viadoma ab maštabnym uzłomie ŭnutranaj sietki Nacyjanalnaha banka Respubliki Biełaruś. Jak zajaŭlajuć chakiery z praŭkrainskaj hrupoŭki DumpForums, imi byli atrymanyja «bazy danych karystalnikaŭ, a taksama dakumienty, źviazanyja z unutranymi prajektami i płanami banka».
U jakaści dokazaŭ chakiery na ŭłasnym zakrytym forumie apublikavali niekalki vialikich fajłaŭ, u jakich źmiaščajucca 43.562 adrasy elektronnaj pošty i 30.798 numaroŭ telefonaŭ (razam z poŭnymi imionami i karparatyŭnymi i pryvatnymi adrasami karystalnikaŭ, a taksama nazvami ich pasad u arhanizacyjach (pry najaŭnaści takich) i UNP hetych arhanizacyj.
Usie danyja va ŭciečcy aktualnyja na čas lutaha 2024 hoda.
Jak pišuć sami chakiery ŭ svaim telehram-kanale, jany atrymali dostup da ŭnutranaj sietki Nacyjanalnaha banka Biełarusi «dosyć daŭno paśla dbajnaj padrychtoŭki» i «na praciahu značnaha pieryjadu jany zastavalisia niezaŭvažanymi» dla supracoŭnikaŭ banka.
«Dziakujučy ŭzłomu, my atrymali dasiah i da niekalkich inšych dziaržaŭnych ustanoŭ Biełarusi», — zajavili praŭkrainskija chakiery.
Jany dadali, što «bližejšymi dniami» apublikujuć i inšyja fajły Nacyjanalnaha banka.
Machlary ź Minska atrymali asabistyja danyja biełarusa i rabili falšyvyja zaprašeńni na vizy. Prablema moža być hłabalnaj
Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki
U 2020-m syn Hanny Kanapackaj zvaniŭ u milicyju z danosam na minčukoŭ, jakija raźviešvali stužki
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary