Trenieru bresckaha «Dynama» stała kiepska paśla pieramohi nad BATE — jamu terminova zrabili apieracyju na sercy
Siarhiej Kavalčuk adčuŭ siabie niavažna paśla pieramohi ŭ matčy čempijanatu Biełarusi. Ciapier jamu treba budzie doŭhaje adnaŭleńnie.
Vykonvajučy abaviazki hałoŭnaha treniera bresckaha «Dynama» Siarhiej Kavalčuk trapiŭ u balnicu paśla pieramohi nad BATE ŭ čempijanacie Biełarusi.
Hulnia prajšła 9 listapada i zaviaršyłasia ź likam 2:0 na karyść brestaŭčan. Pa danych Football.by, nieŭzabavie paśla matča Kavalčuku stała drenna. Jaho špitalizavali ŭ reanimacyju i praviali apieracyju na sercy.
Jak piša «Trybuna», u Kavalčuka zdaryŭsia infarkt. Pry hetym dyjahnaz pakul nie paćvierdžany. Viadoma, što trenier užo mieŭ adzin infarkt niekalki hadoŭ tamu.
Ciapier Kavalčuku treba pravieści niekalki miesiacaŭ u balnicy, jaho čakaje doŭhaje adnaŭleńnie.
Siarhiej Kavalčuk — znakavaja asoba dla bresckaha «Dynama». Jon vystupaŭ za kamandu ŭ jakaści futbalista, potym zastaŭsia ŭ struktury trenieram. Upieršyniu Kavalčuk uznačaliŭ «Dynama» ŭ 2004 hodzie, z taho času jon sychodziŭ i viartaŭsia na pasadu piać razoŭ. Kavalčuka klikali ŭ kamandu ŭ samyja kryzisnyja momanty paśla trenierskich adstavak, i jaho stali nazyvać ci nie hałoŭnym vyratavalnikam u čempijanacie Biełarusi.
Kavalčuk pieražyŭ z Brestam roznyja časy. Byli i hałodnyja: spačatku ŭ kłubie nastolki nie było hrošaj, što trenier nie moh sabie dazvolić navat novyja džynsy, a ź ježaj dapamahała ciešča.
U kancy 2010-ch kłub pierajšoŭ pad kantrol blizkaha da Łukašenki biznesoŭca Alaksandra Zajcava, hrošaj raptoŭna stała šmat. Kavalčuk tady byŭ pryznačany spartyŭnym dyrektaram, i pry im bresckaje «Dynama» zavajavała ŭ siezonie-2019 svajo adzinaje čempijonstva. Na śviatočnuju viečarynku da kamandy tady pryjechaŭ asabista Viktar Łukašenka.
U 2021-m Zajcaŭ pakinuŭ kłub, toj iznoŭ pierajšoŭ na bałans abłvykankama. Paśla hetaha Kavalčuk papracavaŭ trenieram u dubli, potym syšoŭ. Kab iznoŭ, užo šosty raz, viarnucca na mastok u kastryčniku 2024-ha — paśla čarhovaj trenierskaj adstaŭki.
Bresckaje «Dynama» za dva tury da kanca čempijanatu Biełarusi idzie na čaćviortym miescy. Padniacca vyšej jano ŭžo dakładna nie zmoža.
Pieršaja vice-mer Minska Nadzieja Łazarevič prajšła praz zatrymańnie, muž zastaŭsia ŭ SIZA11
Kamientary