Choć u vieraśni popyt na kvatery ŭ Minsku zapavoliŭsia, u kastryčniku jon znoŭ vyras. Ceny pastavili čarhovy rekord — heta maksimum za 10 hadoŭ.
Kastryčnik tradycyjna ličycca miesiacam z vysokim popytam na kvatery. Pa papiarednich danych analityki Realt za apošni miesiac kolkaść zaklučanych ździełak pavialičyłasia na 5% i skłała krychu bolš za 1,7 tysiačy.
U toj ža čas kolkaść vystaŭlenych na prodaž kvater u bazie Realt u kastryčniku praciahnuła źmianšacca — minus jašče 1,5%.
Čaściej za ŭsio tradycyjna kuplali adnapakajoŭki (44% ad ździełak). Samyja zapatrabavanyja rajony Minska — Kastryčnicki i Frunzienski. Čaściej vybirali typavyja panelnyja i karkasnyja damy.
Siaredni košt pradadzienych u Minsku kvater za kastryčnik 2024-ha vyras na 1% i skłaŭ $1597 za kvadratny mietr — heta maksimalnaje značeńnie za apošnija 10 hadoŭ.
Ceny vyraśli na ŭsie typy kvater, bolš za ŭsio na 4-pakajovyja — adrazu plus 6,4%, a siaredni košt mietra 1-pakajovych kvater pieravysiŭ adznaku ŭ 1700 dalaraŭ upieršyniu z 2014 hoda.
Siarednija ceny nastupnyja. Za adnapakajovuju kvateru addavali 62 600 dalaraŭ, za dvuchpakajovuju — 69 tysiač. Za try pakoi — 87 tysiač, za čatyry — 100 tysiač dalaraŭ.
Samaja darahaja kvatera, nabytaja ŭ kastryčniku 2024 hoda, abyšłasia pakupniku ŭ 900 tysiač dalaraŭ. Jaje płošča — 153 «kvadraty».
Cikava, jak źmianiajecca cana ŭ susiednich jeŭrapiejskich stalicach. Pavodle analityki Realt, u Vilni cana za hod na kvatery vyrasła na 2,5%, a ŭ Varšavie — na 16,3%.
Što čakaje Biełaruś u bližejšyja piać hadoŭ? A Rasiju i Jeŭropu? Śpiecdakładčyk AAN pa Biełarusi daje svoj raskład8
Kamientary