Ale paśla vybaraŭ u ZŠA kancler Hiermanii ŭsio ž vyrašyŭ patelefanavać u Kreml.
Niekalki miesiacaŭ tamu Ołaf Šolc raiŭsia z Uładzimiram Zialenskim nakont zvanka Uładzimiru Pucinu. Tady prezident Ukrainy adhavaryŭ kanclera Hiermanii ad hetaha kroku.
Pra heta ŭ tvitary raspavioŭ eks-ministr zamiežnych spraŭ Ukrainy Dźmitryj Kuleba.
«Niekalki miesiacaŭ tamu kancler Šolc spytaŭ u prezidenta Zialenskaha, ci budzie darečnym patelefanavać Pucinu. Zialenski vystupiŭ suprać hetaj idei, i Šolc ustrymaŭsia. Adnak paśla vybaraŭ u ZŠA Šolc vyrašyŭ, što čas nastaŭ, i patelefanavaŭ. Zialenski publična, ale miakka raskrytykavaŭ jaho za heta», — piša Kuleba.
Na jaho dumku, krok Šolca staŭsia pravalnym.
«Padajecca, hety zvanok nie prynios ničoha istotnaha dla palapšeńnia imidžu Šolca siarod niamieckich vybarcaŭ, jakija simpatyzujuć Rasii. Pucin vyrvaŭsia ź jeŭrapiejskaj izalacyi, i Hiermanija prakłała jamu šlach. Adrazu paśla Vienhryi.
Davier pamiž Zialenskim i Šolcam padarvany. Varta pamiatać, što Hiermanija źjaŭlajecca druhim pa vieličyni pastaŭščykom vajennaj dapamohi Ukrainie paśla ZŠA.
Ź ciažkaściu zavajavanaja reputacyja Hiermanii siarod ukraincaŭ surjozna paciarpieła. A Pucin prademanstravaŭ śvietu, što jaho stratehija pracuje — Zachad urešcie schilić hałavu pad vyhladam zaklikaŭ da jaho spynić vajnu, čaho jon rabić nie źbirajecca», — ličyć Kuleba.
Jon dadaŭ, što jamu ciažka zrazumieć, nakolki zvanok byŭ apraŭdany.
«Pa-anhlijsku heta nazyvajecca «falstart». Jaki ekvivalentny termin na niamieckaj movie?» — stavić pytańnie Kuleba.
Šolc sazvaniŭsia z Pucinym 15 listapada. Kancler Hiermanii zaklikaŭ Rasiju da pieramovaŭ z Ukrainaj «z metaj ustanaŭleńnia spraviadlivaha i tryvałaha miru». A taksama adznačyŭ, što Hiermanija budzie i dalej padtrymlivać Ukrainu «ŭ jaje abarončaj baraćbie suprać rasijskaj ahresii», pakul heta nieabchodna.
Pa viersii Kramla, Pucin zajaviŭ, što adkryty da pieramoŭ, ale na svaich umovach.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary