Vykanaŭca abaviazkaŭ dyrektara kanała mieŭsia zastavacca na pasadzie da 3 śniežnia, adnak padaŭ zajavu ab zvalnieńni ŭžo ad 22 listapada. Alaksiej Dzikavicki pastanaviŭ zrabić tak, kab jamu nie daviałosia farmalna likvidavać strukturnuju adzinku «Biełsat TV», paviedamlaje «Biełsat».
Vykanaŭca abaviazkaŭ dyrektara «Biełsata» Alaksiej Dzikavicki paviedamiŭ redakcyi, što padaŭ kiraŭnictvu Polskaha telebačańnia (TVP) zajavu ab zvalnieńni na ŭłasnaje žadańnie ad 22 listapada:
«Siońnia ja padaŭ zajavu ab skasavańni pracoŭnaj damovy z prapanovaju zrabić heta pavodle zhody bakoŭ i spynić supracu ŭžo ŭ hetuju piatnicu».
Dzikavicki rastłumačyŭ, što jamu zahadana źlikvidavać strukturnuju adzinku «Biełsat TV», a jon nie choča hetaha rabić navat farmalna.
Reakcyja kiraŭnictva Polskaha telebačańnia na hetuju zajavu ab zvalnieńni pakul nieviadomaja.
15 listapada redakcyja «Biełsata» razam z vykanaŭcam abaviazkaŭ dyrektara daviedałasia pra pryznačeńnie novaj kiraŭnicy — Aliny Koŭšyk.
Žurnalistam taksama było abvieščana, što «Biełsat» pierastanie być samastojnaj adzinkaju, a stanie častkaju novaha centru zamiežnaha viaščańnia TVP, kudy taksama załučać anhłamoŭny kanał TVP World. Efir «Biełsatu» budzie padzieleny pamiž tryma redakcyjami: biełaruskaj, rasiejskamoŭnaj redakcyjaj «Vot Tak» i ŭkrainskaj, što pakul nie maje nazvy. Kožnaja budzie mieć svaich 6 hadzinaŭ.
Čamu kiraŭnictva Polskaha telebačańnia pastanaviła nie pakidać Dzikavickaha na čale biełaruskaj redakcyi, žurnalistam nie patłumačyli. Jon mieŭsia zastavacca na pasadzie da 3 śniežnia.
Alina Koŭšyk ciaham 15 hadoŭ pracavała na «Biełsacie», u tym liku ŭ jakaści hałoŭnaj viadoŭcy, redaktarki i pradziusarki teleprahramaŭ. U vieraśni 2022 hoda pajšła ŭ palityku: dałučyłasia da Abjadnanaha pierachodnaha kabinietu Biełarusi, a potym trapiła ŭ Kaardynacyjnuju radu. Jana ŭžo pakinuła abiedźvie struktury dziela pracy na telekanale.
Stała viadoma, chto žanich byłoj deputatki Maryi Vasilevič26
Kamientary
Pracu svaju rabicie!
Artykuł pra sychod pieraklikajecca z papiarednim "Dzikavicki: Pa-ludsku razumieju rytoryku Ramašeŭskaj. Ale ja b syšoŭ spakajniej"
"kamientujučy vaša pryznačeńnie, jana ŭ tym liku skazała: «Mnie ŭsio roŭna, chto budzie zabivać «Biełsat»..."
I ŭsio ž zabili (jak asobny kanał).