Грамадства1010

Аляксей Дзікавіцкі датэрмінова пакідае «Белсат»

Выканаўца абавязкаў дырэктара канала меўся заставацца на пасадзе да 3 снежня, аднак падаў заяву аб звальненні ўжо ад 22 лістапада. Аляксей Дзікавіцкі пастанавіў зрабіць так, каб яму не давялося фармальна ліквідаваць структурную адзінку «Белсат TV», паведамляе «Белсат».

Аляксей Дзікавіцкі. Фота: Белсат

Выканаўца абавязкаў дырэктара «Белсата» Аляксей Дзікавіцкі паведаміў рэдакцыі, што падаў кіраўніцтву Польскага тэлебачання (TVP) заяву аб звальненні на ўласнае жаданне ад 22 лістапада:

«Сёння я падаў заяву аб скасаванні працоўнай дамовы з прапановаю зрабіць гэта паводле згоды бакоў і спыніць супрацу ўжо ў гэтую пятніцу».

Дзікавіцкі растлумачыў, што яму загадана зліквідаваць структурную адзінку «Белсат TV», а ён не хоча гэтага рабіць нават фармальна.

Рэакцыя кіраўніцтва Польскага тэлебачання на гэтую заяву аб звальненні пакуль невядомая.

15 лістапада рэдакцыя «Белсата» разам з выканаўцам абавязкаў дырэктара даведалася пра прызначэнне новай кіраўніцы — Аліны Коўшык.

Журналістам таксама было абвешчана, што «Белсат» перастане быць самастойнай адзінкаю, а стане часткаю новага цэнтру замежнага вяшчання TVP, куды таксама залучаць англамоўны канал TVP World. Эфір «Белсату» будзе падзелены паміж трыма рэдакцыямі: беларускай, расейскамоўнай рэдакцыяй «Вот Так» і ўкраінскай, што пакуль не мае назвы. Кожная будзе мець сваіх 6 гадзінаў.

Чаму кіраўніцтва Польскага тэлебачання пастанавіла не пакідаць Дзікавіцкага на чале беларускай рэдакцыі, журналістам не патлумачылі. Ён меўся заставацца на пасадзе да 3 снежня.

Аліна Коўшык цягам 15 гадоў працавала на «Белсаце», у тым ліку ў якасці галоўнай вядоўцы, рэдактаркі і прадзюсаркі тэлепраграмаў. У верасні 2022 года пайшла ў палітыку: далучылася да Аб’яднанага пераходнага кабінету Беларусі, а потым трапіла ў Каардынацыйную раду. Яна ўжо пакінула абедзве структуры дзеля працы на тэлеканале.

Каментары10

  • Перспектывачка
    19.11.2024
    Гэта гісторыя не столькі пра Белсат, колькі пра "рады" і "кабінеты": праца ў структурнай адзінцы цэнтру замежнага вяшчання TVP для спадарыні Коўшык (і я з ён згодны) больш перспектыўная за мітусню палітычных грантасмокаў з амаль пратэрмінаваным мандатам.
  • Аў
    19.11.2024
    А журналісты спыталі польскіх паноў, чаму яны скінулі Дзікавіцкага і паставілі Коўшык з офісу Ціханоўскай? Ці чакаеце, што яны самі да вас прыйдуць і ўсё патлумачаць у сваёй гаспадарцы?
    Працу сваю рабіце!
  • .
    19.11.2024
    Сумна (хоць і не глядзеў амаль).
    Артыкул пра сыход пераклікаецца з папярэднім "Дзікавіцкі: Па-людску разумею рыторыку Рамашэўскай. Але я б сышоў спакайней"

    "каментуючы ваша прызначэнне, яна ў тым ліку сказала: «Мне ўсё роўна, хто будзе забіваць «Белсат»..."
    І ўсё ж забілі (як асобны канал).

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць