Ułady Litvy nie vyklučajuć terakta na borcie samalota DHL, jaki ŭpaŭ u Vilni
Ułady Litvy nie vyklučajuć terakta, chacia papiarednie pryčyna — techničnaja. Kryminalnaja sprava zaviedziena pa artykule, jaki praduhledžvaje adkaznaść za nienaležnaje absłuhoŭvańnie transpartnych srodkaŭ.
Hienkamisar palicyi Litvy Arunas Paŭłaŭskas i kiraŭnik Departamienta dziaržaŭnaj biaśpieki (DDB) Darus Jaŭniškis paviedamili, što razhladajuć terakt siarod viersij pryčyn katastrofy ranicaj 25 listapada ŭ Vilni samalota niamieckaj słužby dastaŭki DHL.
Kiraŭnik Nacyjanalnaha centra kiravańnia kryzisami Viłmantas Vitkaŭskas nazvaŭ toje, što zdaryłasia niaščasnym vypadkam. Pavodle jaho słoŭ, pryčyna incydentu moža być źviazana z «techničnymi pytańniami».
Hienkamisar palicyi Litvy Arunas Paŭłaŭskas zajaviŭ, što, chutčej za ŭsio, avaryja adbyłasia z-za techničnaj abo čałaviečaj pamyłki. Ale jon nie vyklučyŭ i viersiju z teraktam. «Napeŭna, jaje nikoli nielha vyklučać. Heta adna ź viersij, jakaja pavinna być vyvučana, pravierana», — skazaŭ Paŭłaŭskas.
Kiraŭnik Departamienta dziaržaŭnaj biaśpieki Darus Jaŭniškis taksama ličyć, što paćviardžać viersiju terakta pakul rana, ale jana mahčymaja. «My nie možam vyklučać, skažam, vypadak teraryzmu. Viadoma, DDB sumiesna z Departamientam apieratyŭnaj słužby nas taksama papiaredžvali, što takoje mahčyma ŭ budučyni, my bačym, što Rasija stanovicca bolš ahresiŭnaj», — skazaŭ jon.
Kryminalnaja sprava zaviedziena pa artykule, jaki praduhledžvaje adkaznaść za nienaležnaje absłuhoŭvańnie transpartnych srodkaŭ.
Raniej The Wall Street Journal raskazvała, jak Rasija sprabavała zładzić terakty na avijarejsach DHL u Jeŭropie.
Akaŭnt Kabančuka ŭzłamali — ale, padobna, nie biełaruskija śpiecsłužby1
Kamientary