Pra heta daviedałasia vydańnie The Wall Street Journal sa spasyłkaj na amierykanskija i jeŭrapiejskija śpiecsłužby. Jak minimum dźvie zamaskavanyja vybuchoŭki, jakija pavinny byli trapić na avijarejsy ŭ ZŠA i Kanadu, byli adpraŭlenyja ahientami HRU z terytoryi Litvy. Pa spravie ładziacca aryšty.
Rasijskaja vajskovaja raźviedka (HRU) udzielničała ŭ arhanizacyi padpałaŭ na borcie samalotaŭ, jakija nakiroŭvalisia ŭ Paŭnočnuju Amieryku. Častkaj hetaj apieracyi stali raptoŭnyja ŭzharańni pasyłak na składach mižnarodnaj łahistyčnaj kampanii DHL u Vialikabrytanii i Hiermanii, jakija pavinny byli trapić adtul na pasažyrskija i hruzavyja avijarejsy, paviedamlaje The Wall Street Journal sa spasyłkaj na rasśledavańni zachodnich śpiecsłužbaŭ.
Uzharańni, jakija adbylisia ŭ hetym hodzie na raźmierkavalnych składach DHL u anhlijskim Birminhiemie i niamieckim Lejpcyhu, razhladajucca zachodnimi raźviedkami jak sproby padpalić samaloty, jakija nakiroŭvajucca ŭ ZŠA i Kanadu. Vybuchoŭki byli zamaskiravanyja pad zvyčajnyja elektryčnyja masažory, jakija trapili na składy DHL ź Litvy.
Da rasśledavańnia spravy dałučyłasia prakuratura Polščy, jakaja aryštavała na svajoj terytoryi ŭžo čatyroch čałaviek, jakich źviazvajuć z rasijskim HRU (ich nacyjanalnaść nie raskryvajecca). Jašče dvuch čałaviek, padazravanych u arhanizacyi padpałaŭ, usio jašče šukajuć inšyja jeŭrapiejskija vyviedki, daviedałasia The Wall Street Journal.
Vydańnie adznačaje, što źbićcio kamiercyjnych pasažyrskich abo hruzavych samalotaŭ stała b istotnaj eskałacyjaj kanfliktu pamiž Rasijaj i Zachadam, i niekatoryja zachodnija raźviedvalnyja ahienctvy vykazali sumnieńnie, što padobnaja apieracyja mahła arhanizoŭvacca rasijskimi ahientami biez poŭnaha ŭchvaleńnia Kramla.
Pradstaŭniki CRU i Upraŭleńnia transpartnaj biaśpieki ZŠA admovilisia kamientavać mierkavanuju apieracyju Kramla. Łahistyčnaja kampanija DHL, na składach jakoj adbylisia padpały, zajaviła, što supracoŭničaje ŭ rasśledavańni incydentaŭ ź jeŭrapiejskimi ŭładami.
Rasijskija ŭłady, u svaju čarhu, admaŭlajuć sapraŭdnaść danych zachodnich raźviedak.
Kiraŭniki raźviedki krain Zachadu ŭstryvožanyja «dzikimi pavodzinami» rasijskich śpiecsłužbaŭ
Łancužki pastavak jak instrumient źniščeńnia. Padziei ŭ Livanie pakazali, što luby tavar na płaniecie moža stać zbrojaj
Mazhavy centr Kramla niezadavoleny, što Zachad pierastaŭ vieścisia na jadzierny šantaž. Patrabuje «viartańnia strachu»
«Pračytajcie jaje historyju». Łukašenku daviałosia apraŭdvacca pierad Pucinym za hieorhijeŭskija stužki11
Kamientary