Kipr zabraŭ hramadzianstva ŭ siemiarych rasijskich miljarderaŭ i členaŭ ich siemjaŭ
Ułady Kipra adklikali hramadzianstva ŭ siemiarych rasiejskich miljarderaŭ sa śpisu Forbes. Jany byli ŭładalnikami «załatych pašpartoŭ», što davalisia miascovymi ŭładami ŭ abmien na bujnyja inviestycyi, piša The Moscow Times.
Kiprskaje hramadzianstva stracili akcyjanier «Alfa-Hrup» Alaksiej Kuźmičoŭ (uładalnik $6,6 młrd), uładalnik hrupy kampanij «Mierkuryj» Ihar Kiesajeŭ ($5,5 młrd), zasnavalnik hrupy «Safmar» Michaił Huceryjeŭ ($3,7 młrd), zasnavalnik kampanii «Rusał» Aleh Dzierypaska ($2,8 młrd), kiraŭnik «Rusahra» Vadzim Maškovič ($2,7 młrd), eks-staršynia Rady dyrektaraŭ «Šaramiećcieva» Alaksandr Panamarenka ($2 młrd) i saŭładalnik sietki kramaŭ Fix Price Siarhiej Łamakin ($1,7 młrd). Taksama biez kiprskaha hramadzianstva zastalisia ich svajaki.
Ahułam rašeńnie kiprskich uładaŭ zakranuła 86 inšaziemcaŭ. Proźviščy amal usich apublikavała miascovaje vydańnie Politis. Bolšaja častka ŭładalnikaŭ anulavanych pašpartoŭ — rasijanie. Akramia hetaha, u śpisie fihurujuć kitajcy, žychary arabskich i inšych blizkaŭschodnich krain, abvinavačany ŭ kradziažy $4 młrd małazijski biržavy makler Džo Łoŭa, a taksama ŭkrainski miljarder Ihar Kałamojski, aryštavany Kijevam pa spravie ab machlarstvie i admyvańni hrošaj.
Siarod asnoŭnych pryčyn adklikańnia hramadzianstva: padača iłžyvaj infarmacyi, najaŭnaść sudzimaści i parušeńnie ŭmoŭ naturalizacyi. Spravy inviestaraŭ, jakija trapili ŭ čorny śpis, vyvučyć miascovaja palicyja.
Prahrama «załatych pašpartoŭ» była zapuščanaja na Kipry ŭ 2013 hodzie, kab dapamahčy krainie adnavicca paśla ekanamičnaha kryzisu. Hramadzianstva vydavali ŭ abmien na ŭkładańnie nie mienš za 2 młn jeŭra ŭ miascovuju nieruchomaść. Za dapłatu pašparty atrymlivali i členy siemjaŭ inviestaraŭ.
U 2020 hodzie prahramu zakryli na patrabavańnie Jeŭrapiejskaha sajuza, a ŭ samoj krainie pačałasia pravierka jaje ŭdzielnikaŭ. U vyniku vyśvietliłasia, što z 6779 pašpartoŭ, vydadzienych u pieryjad z 2007 pa 2020 hod, bolš za pałovu atrymali asoby, jakija nie adpaviadajuć vyznačanym kryteryjam.
Paśla ŭvarvańnia Rasii va Ukrainu ES zapatrabavaŭ ad usich dziaržaŭ, jakija ŭvachodziać u abjadnańnie abo pretendujuć na hety status, spynić vydaču pašpartoŭ abo DNŽ za inviestycyi, a taksama pazbavić hramadzianstva źviazanych z Kramlom padsankcyjnych asob.
Karparacyja ABBYY za adzin dzień zvolniła sotni supracoŭnikaŭ z rasijskimi pašpartami
Eks-rasijanka pavinna nieści ściah Kipra na adkryćci Alimpijady. Ale ŭ jaje znajšli OnlyFans, i pačaŭsia skandał
U dvaich dziaciej Ramana Abramoviča jość litoŭskaje hramadzianstva
Kipr i Malta anulavali «załatyja pašparty» dziasiatkaŭ hramadzian Rasii i Biełarusi
Biełarusy aktyŭna kuplajuć žyllo na Kipry
Ciapier čytajuć
U Sibiry zaharełasia i abrynułasia buravaja vyška «Biełarusnafty»2
U Sibiry zaharełasia i abrynułasia buravaja vyška «Biełarusnafty»
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1111
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu11
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Zaraz ŭłady dali syhnal, što iznoŭ nia chočuć, kab im hrošy akumulavali na vyspu.
Nu, miljardery (ja nie vykazvaju da ich asabistaha staŭleńnia) źmiaściać svaje srodki tak dzie.
A vy, skažycie, za što dziakujecie?