Кіпр забраў грамадзянства ў семярых расійскіх мільярдэраў і членаў іх сем'яў
Улады Кіпра адклікалі грамадзянства ў семярых расейскіх мільярдэраў са спісу Forbes. Яны былі ўладальнікамі «залатых пашпартоў», што даваліся мясцовымі ўладамі ў абмен на буйныя інвестыцыі, піша The Moscow Times.
Кіпрскае грамадзянства страцілі акцыянер «Альфа-Груп» Аляксей Кузьмічоў (уладальнік $6,6 млрд), уладальнік групы кампаній «Меркурый» Ігар Кесаеў ($5,5 млрд), заснавальнік групы «Сафмар» Міхаіл Гуцэрыеў ($3,7 млрд), заснавальнік кампаніі «Русал» Алег Дзерыпаска ($2,8 млрд), кіраўнік «Русагра» Вадзім Машковіч ($2,7 млрд), экс-старшыня Рады дырэктараў «Шарамеццева» Аляксандр Панамарэнка ($2 млрд) і саўладальнік сеткі крамаў Fix Price Сяргей Ламакін ($1,7 млрд). Таксама без кіпрскага грамадзянства засталіся іх сваякі.
Агулам рашэнне кіпрскіх уладаў закранула 86 іншаземцаў. Прозвішчы амаль усіх апублікавала мясцовае выданне Politis. Большая частка ўладальнікаў ануляваных пашпартоў — расіяне. Акрамя гэтага, у спісе фігуруюць кітайцы, жыхары арабскіх і іншых блізкаўсходніх краін, абвінавачаны ў крадзяжы $4 млрд малазійскі біржавы маклер Джо Лоўа, а таксама ўкраінскі мільярдэр Ігар Каламойскі, арыштаваны Кіевам па справе аб махлярстве і адмыванні грошай.
Сярод асноўных прычын адклікання грамадзянства: падача ілжывай інфармацыі, наяўнасць судзімасці і парушэнне ўмоў натуралізацыі. Справы інвестараў, якія трапілі ў чорны спіс, вывучыць мясцовая паліцыя.
Праграма «залатых пашпартоў» была запушчаная на Кіпры ў 2013 годзе, каб дапамагчы краіне аднавіцца пасля эканамічнага крызісу. Грамадзянства выдавалі ў абмен на ўкладанне не менш за 2 млн еўра ў мясцовую нерухомасць. За даплату пашпарты атрымлівалі і члены сем'яў інвестараў.
У 2020 годзе праграму закрылі на патрабаванне Еўрапейскага саюза, а ў самой краіне пачалася праверка яе ўдзельнікаў. У выніку высветлілася, што з 6779 пашпартоў, выдадзеных у перыяд з 2007 па 2020 год, больш за палову атрымалі асобы, якія не адпавядаюць вызначаным крытэрыям.
Пасля ўварвання Расіі ва Украіну ЕС запатрабаваў ад усіх дзяржаў, якія ўваходзяць у аб'яднанне або прэтэндуюць на гэты статус, спыніць выдачу пашпартоў або ДНЖ за інвестыцыі, а таксама пазбавіць грамадзянства звязаных з Крамлём падсанкцыйных асоб.
Карпарацыя ABBYY за адзін дзень звольніла сотні супрацоўнікаў з расійскімі пашпартамі
Экс-расіянка павінна несці сцяг Кіпра на адкрыцці Алімпіяды. Але ў яе знайшлі OnlyFans, і пачаўся скандал
У дваіх дзяцей Рамана Абрамовіча ёсць літоўскае грамадзянства
Кіпр і Мальта анулявалі «залатыя пашпарты» дзясяткаў грамадзян Расіі і Беларусі
Беларусы актыўна купляюць жыллё на Кіпры
Цяпер чытаюць
Вазіў натаўцаў у Афганістан і скідваў гуманітарку ў Судане, а потым трапіў у турму па даносе сябра з Украіны3
Каментары
Зараз ўлады далі сыгналь, што ізноў ня хочуць, каб ім грошы акумулявалі на выспу.
Ну, мільярдэры (я не выказваю да іх асабістага стаўленьня) зьмясьцяць свае сродкі так дзе.
А вы, скажыце, за што дзякуеце?