Va Uźbiekistanie zatrymali viadomaha rasijskaha žurnalista Alaksieja Pivavarava i jaho zdymačnuju hrupu
Pivavaraŭ anansavaŭ videa pra Uźbiekistan na svaim kanale «Redakcyja».
Rasijskaha žurnalista Alaksieja Pivavarava i zdymačnuju hrupu jaho prajekta «Redakcyja» zatrymali va uźbiekistanskim Nukusie.
Usia kamanda «Redakcyi» znachodzicca ŭ adździaleńni ŭnutranych spraŭ. Razam ź Pivavaravym i jahonaj kamandaj taksama zatrymali ŭźbiekskuju žurnalistku Fieryde Machsietavu, piša Hook.
Padstavaj dla zatrymańnia nibyta stała zajava, napisanaja na kamandu ad niejkaha žychara horada.
Telefony ŭ zatrymanych «na razmovu» adbirać nie stali, adnak siłaviki patrabujuć ich na pravierku. Pavodle źviestak ŚMI, Pivavarava trymajuć u asobnym kabiniecie.
Śledčy admaŭlajecca pakazvać zajavu i naohuł adkazvać na pytańni. Siłavyja orhany i prakuratura nie adkazvajuć na zvanki žurnalistaŭ.
U prajekta Pivavarava «Redakcyja» na jutubie 4,36 młn padpisčykaŭ. U 2022 hodzie eks-žurnalist NTV byŭ pryznany zamiežnym ahientam u Rasii. Sioleta jon byŭ vymušany zvolnić častku kamandy praz zakon, jaki zabaraniaje raźmiaščać rekłamu ŭ zamiežnych ahientaŭ. Tym nie mienš «Redakcyja» praciahvaje pracu.
Dapoŭniena. Praz paru hadzin Pivavarava i zdymačnuju kamandu adpuścili. U ich kanfiskavali dźvie fłeški z adźniatym materyjałam pra Karakałpakstan, piša Hook. Pivavaraŭ napisaŭ u telehramie: «Kali my byli ŭ Nukusie, nas zaprasili na hutarku supracoŭniki MUS. My pahavaryli, raskazali pra siabie i svaje płany, supracoŭniki byli vietlivyja i karektnyja. Ciapier užo jedziem dalej».
Kamientary
Budziem tolki čytać pra Maładečanski rajon. Nam ža bolš i nia treba, praŭda?
Darečy, što tam ŭ vas pa małaku? Ci ŭsie karovy pamytyja?
Ci ŭsie pali zasiejany, ci ŭsie sienažaci?