U Paŭdniovaj Karei palicyja rasśleduje spravu prezidenta pa abvinavačvańni ŭ miaciažy
Miaciež — heta złačynstva, jakoje vychodzić za ramki prezidenckaj niedatykalnaści i moža karacca śmierciu.
Palicyja Paŭdniovaj Karei rasśleduje spravu prezidenta Jun Sok Jola pa abvinavačvańni ŭ «miaciažy» ŭ suviazi z abviaščeńniem im vajennaha stanovišča ŭ aŭtorak, paviedamiŭ u čaćvier vysokapastaŭleny aficer palicyi, piša Bi-bi-si.
Paviedamlajecca, što rasśledavańnie było pačata paśla taho, jak apazicyja padała skarhu na Juna i inšych klučavych fihur, jakija majuć dačynieńnie da padziej viečara aŭtorka.
Miaciež — heta złačynstva, jakoje vychodzić za ramki prezidenckaj niedatykalnaści i moža karacca śmierciu.
Vu Čžon Su, kiraŭnik Nacyjanalnaha śledčaha ŭpraŭleńnia Nacyjanalnaha palicejskaha ahienctva, paviedamiŭ zakanadaŭcam, što «sprava pieradadziena ŭ sud».
Palicyja atrymała ŭkazańnie ŭvieści nadzvyčajnuju zabaronu na pajezdki ŭ dačynieńni da Kim Jon Chiena, byłoha ministra nacyjanalnaj abarony, čyja adstaŭka była pryniataja prezidentam Junam siońnia ranicaj.
Pa paviedamleńniach miascovych ŚMI, ułady pryniali hetaje rašeńnie, pakolki ličać, što Kim moža źbiehčy.
Kim vybačyŭsia za svaju rolu ŭ abviaščeńni vajennaha stanovišča ŭ aŭtorak. Niekatoryja miascovyja ŚMI paviedamlajuć, što mienavita jon prapanavaŭ Junu ideju ŭviadzieńnia vajennaha stanovišča — zajavu, jakuju paŭtaryŭ ministr unutranych spraŭ Li San Min padčas bryfinhu.
Siońnia i zaŭtra parłamient Karei moža razhledzić pytańnie ab impičmiencie prezidentu.
***
Ab uviadzieńni nadzvyčajnaha režymu było abvieščana ŭ aŭtorak viečaram. Ukaz, jaki dziejničaŭ šeść hadzin, zabaraniaŭ pracu palityčnych partyj, pratesty, zabastoŭki, uvodziŭ cenzuru i vajenna-palavyja trybunały z pravam na vyniasieńnie śmiarotnaha prysudu.
Pierad budynkam parłamienta sabralisia pratestoŭcy — bolš za piać tysiač, pavodle acenak apazicyi. Deputaty prosta padčas šturmu budynka vajskoŭcami prahałasavali za admienu rašeńnia prezidenta. Paśla hetaha jon pa zakonie byŭ vymušany admianić ukaz.
«Jamu pa načach śnilisia ludzi, jakich jon pasadziŭ». Stali viadomyja novyja detali apošnich dzion žyćcia syna Jarmošynaj7
Kamientary