У Паўднёвай Карэі паліцыя расследуе справу прэзідэнта па абвінавачванні ў мяцяжы
Мяцеж — гэта злачынства, якое выходзіць за рамкі прэзідэнцкай недатыкальнасці і можа карацца смерцю.
Паліцыя Паўднёвай Карэі расследуе справу прэзідэнта Юн Сок Ёля па абвінавачванні ў «мяцяжы» ў сувязі з абвяшчэннем ім ваеннага становішча ў аўторак, паведаміў у чацвер высокапастаўлены афіцэр паліцыі, піша Бі-бі-сі.
Паведамляецца, што расследаванне было пачата пасля таго, як апазіцыя падала скаргу на Юна і іншых ключавых фігур, якія маюць дачыненне да падзей вечара аўторка.
Мяцеж — гэта злачынства, якое выходзіць за рамкі прэзідэнцкай недатыкальнасці і можа карацца смерцю.
Ву Чжон Су, кіраўнік Нацыянальнага следчага ўпраўлення Нацыянальнага паліцэйскага агенцтва, паведаміў заканадаўцам, што «справа перададзена ў суд».
Паліцыя атрымала ўказанне ўвесці надзвычайную забарону на паездкі ў дачыненні да Кім Ён Хена, былога міністра нацыянальнай абароны, чыя адстаўка была прынятая прэзідэнтам Юнам сёння раніцай.
Па паведамленнях мясцовых СМІ, улады прынялі гэтае рашэнне, паколькі лічаць, што Кім можа збегчы.
Кім выбачыўся за сваю ролю ў абвяшчэнні ваеннага становішча ў аўторак. Некаторыя мясцовыя СМІ паведамляюць, што менавіта ён прапанаваў Юну ідэю ўвядзення ваеннага становішча — заяву, якую паўтарыў міністр унутраных спраў Лі Сан Мін падчас брыфінгу.
Сёння і заўтра парламент Карэі можа разгледзіць пытанне аб імпічменце прэзідэнту.
***
Аб увядзенні надзвычайнага рэжыму было абвешчана ў аўторак вечарам. Указ, які дзейнічаў шэсць гадзін, забараняў працу палітычных партый, пратэсты, забастоўкі, уводзіў цэнзуру і ваенна-палявыя трыбуналы з правам на вынясенне смяротнага прысуду.
Перад будынкам парламента сабраліся пратэстоўцы — больш за пяць тысяч, паводле ацэнак апазіцыі. Дэпутаты проста падчас штурму будынка вайскоўцамі прагаласавалі за адмену рашэння прэзідэнта. Пасля гэтага ён па законе быў вымушаны адмяніць указ.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым1
Каментары