Skončyła žyćcio samahubstvam Śviatłana Krucikava ź Pinska, jakuju nieadnarazova sudzili za «ekstremizm»
Apošni sud adbyŭsia 6 listapada 2024 hoda.
Skončyła žyćcio samahubstvam 60-hadovaja Śviatłana Krucikava, piša Dissidentby.
Žančyna pražyvała ŭ Pinskim rajonie i niekalki razoŭ była asudžana pa «ekstremisckich» artykułach da aryštu. Tak, apošni sud adbyŭsia 6 listapada ŭ Pinsku za «raspaŭsiud ekstremisckich materyjałaŭ».
Pa mierkavańni znajomych žančyny, jana nie vytrymała vobšukaŭ, pazbaŭleńnia voli, pravierak i rehularnaha psichałahičnaha cisku z boku milicyi.
10 śniežnia Śviatłana kinułasia pad ciahnik.
Ludzi kažuć, što inšych abstavinaŭ dla takoha ŭčynku ŭ žančyny być nie mahło — jana była vielmi aktyŭnaj i žyćciaradasnaj.
U sacyjalnych sietkach Śviatłany paznačana, što ŭ 1987 hodzie jana skončyła Pinski piedahahičny kaledž. Da hetaha navučałasia ŭ škole-internacie dla dziaciej-sirot i dziaciej, jakija zastalisia biez apieki baćkoŭ.
Žančyna lubiła kvietki i sabak, pry mahčymaści vandravała i prymała haściej u siabie doma. Razam z mužam jany časta naviedvali kvizy ŭ Pinsku, vyhadavali dačku i syna.
Taksama viadoma, što ŭ paŭsiadzionnym žyćci žančyna imknułasia razmaŭlać pa-biełarusku.
***
Kali vy ci vašy svajaki ŭ kiepskim psichałahičnym stanie, vy možacie źviarnucca ŭ słužbu ekstranaj psichałahičnaj dapamohi. Heta ananimna i biaspłatna.
Telefony dla darosłych — (8 017) 352-44-44, 304-43-70, dla dziaciej i padletkaŭ — (8 017) 263-03-03.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»33
Kamientary