Piensijanierka z Hrodna zarabiła 10 dalaraŭ, a straciła 80 tysiač rubloŭ
U kastryčniku 73-hadovaja žančyna ŭbačyła ŭ sietcy rekłamu pra zarobak na biržy. Žančynu zacikaviła prapanova, i jana pakinuła zajaŭku, paviedamlaje pres-słužba milicyi.
Imhnienna ź joj źviazaŭsia mužčyna, jaki pradstaviŭsia supracoŭnikam brokierskaj kampanii, prapanavaŭ uziać udzieł u tarhach. Jon paviedamiŭ, što za joj budzie zamacavany piersanalny mieniedžar, jaki dapamoža va ŭsim razabracca.
U toj ža dzień patelefanavała dziaŭčyna i patłumačyła, što zadača novaha hulca zaklučajecca tolki ŭ tym, kab inviestavać. Zrabiŭšy pieršy pieravod, žančyna ŭbačyła, što suma adlustravałasia na płatformie. Paśla hetaha pad kantrolem nastaŭnika jana zarabiła $10, i hrošy ŭ toj ža dzień byli pieraviedzieny na jaje kartku.
Mienavita ŭ hety momant jana pavieryła, što takim čynam sapraŭdy možna zarabić.
Bolš za miesiac žančyna vykonvała ŭsie patrabavańni machlaroŭ. Pa ich ukazańni jana pastaviła prahramu dystancyjnaha dostupu, praź jakuju jaje nibyta navučali pracy na biržy. Za hety čas davierlivaja hrodzienka pieraviała na roznyja rachunki, jakija naležali złamyśnikam, amal 80 tys. rubloŭ.
Kali suma na bałansie skłała kala $20 tys., piensijaniercy prapanavali vyvieści hrošy. Pry hetym z asabistaha kabinieta srodki nibyta pieraviali ŭ brytanski, a zatym u šviejcarski banki. Žadajučy ŭdakładnić mahčymaść vyvadu srodkaŭ, piensijanierka źviarnułasia ŭ adnu ź finansavych ustanovaŭ Hrodna. Śpiecyjalisty banka zrazumieli, što žančyna stała achviaraj ašukancaŭ, i parekamiendavali źviarnucca ŭ milicyju.
«Ledź nie pabiłasia z babkaj u paliklinicy praz tałončyk». Naścia Rybka pryjechała ŭ rodny Babrujsk31
Kamientary