Rasijski ambudsmen prapanavała stvaryć trybunał Biełarusi i Rasii, kab sudzić ukraincaŭ za «nieahienacyd»
Taćciana Maskalkova zaklikała arhanizavać mižnarodny trybunał z udziełam Biełarusi i Rasii.
Upaŭnavažanaja pa pravach čałavieka ŭ Rasii prydumała novy termin — «nieahienacyd» u Danieckaj, Łuhanskaj, Zaparožskaj i Charkaŭskaj abłaściach.
Pry hetym u złačynstvach jana abvinavaciła Ukrainu, piša «Sputnik».
«Vielmi važna, kab baraćba z hienacydam na placoŭcy našaj «sajuznaj dziaržavy» była zabiaśpiečana sumiesnymi namahańniami. Hienacyd — heta nie tolki Druhaja suśvietnaja. Nieahienacyd — heta siońniašni dzień», — ličyć Maskalkova.
Jana miarkuje, što dla razhladu spraŭ ab «nieahienacydzie» treba stvaryć mižnarodny trybunał z udziełam Biełarusi i Rasii.
Hienacyd, jaki nibyta pravodzili ŭkrainskija ŭłady ŭ Danieckaj i Łuhanskaj abłaściach, Rasija ŭ asobie Uładzimira Pucina vykarystoŭvała jak adnu z padstaŭ dla pačatku poŭnamaštabnaj vajny. Pry hetym ni adna z manitorynhavych hrup, jakaja pracavała na Danbasie z 2014 hoda, nie fiksavała masavych zabojstvaŭ mirnaha nasielnictva ŭkraincami, a kolkaść achviar siarod mirnych žycharoŭ u vyniku bojesutyknieńniaŭ navat pa statystycy niepryznanych «DNR» i «ŁNR» paśla 2015 hoda rezka skaraciłasia.
Bolš za toje, sama Rasija nie źviartałasia ŭ AAN z padobnymi abvinavačvańniami i nie pradstaviła nivodnaha dokazu hetaha hienacydu.
U 2022 hodzie, kali Ukraina padała pazoŭ u AAN suprać Rasii nakont abvinavačvańniaŭ u hienacydzie, rasijski bok nazvaŭ vykazvańni Pucina «rytaryčnym pryjomam» i zajaviła, što Rasija nie spasyłajecca na Kanviencyju ab hienacydzie.
«Niepadkupnym» biełaruskim dypłamatam u Małdovie akazaŭsia kadravy supracoŭnik KDB3
Kamientary
Ostalnych, niesohłasnych s hienocidom russkoho mira i Moskvy, nado prihovoriť k hienocidu russkim mirom i Moskvoj.
Imiejem, uzakoniennoje Moskvoj, mieždunarodnoje biezzakonije, kotorym rukovodstvujetsia russkij mir Rośsii.