Biełarus pravioŭ test u kaviarni na viedańnie biełaruskaj movy. Jaho pravalili
U tyktoku zavirusiłasia videa, jak mužčyna razmaŭlaŭ z supracoŭnicaj prydarožnaj kaviarni na biełaruskaj movie. Adnak dziaŭčyna nie zmahła da kanca jaho zrazumieć. Videa zaŭvažyŭ CityDog.
Biełarus vyrašyŭ pravieryć u adnoj z prydarožnych kaviarniaŭ sietki «Zaŭždy cikava», jak dobra supracoŭniki viedajuć biełaruskuju movu. Spačatku jon apłaciŭ paliva na AZS, a paśla spytaŭ dziaŭčynu: «Padkažycie, ci možna ŭ vas koła napampavać?»
Dziaŭčyna nie zrazumieła, pra što jaje spytaŭ mužčyna, i paprasiła paŭtaryć pytańnie. Zatym jana ŭ jaho ŭdakładniła: «Pomieniať monietki?»
Kali biełarus iznoŭ paŭtaryŭ svajo pytańnie, supracoŭnica kaviarni ničoha nie adkazała. Tady jon spytaŭ na ruskaj movie: «Koleso nakačať možno?»
U kamientarach pad videa karystalniki pisali, što «heta sumna».
Byli i tyja, chto ličyć, što mužčyna skazaŭ na «paŭbiełaruskaj-paŭpolskaj» movie, tamu, mahčyma, dziaŭčyna nie zmahła zrazumieć pytańnie.
- «Mabyć, kali b udakładniŭ, što pavietram, dyk zrazumieła b».
- «Ja harbaty paprasiŭ nalić adnojčy, mnie adkazali što «niama tut nijakich harbatych».
- «Dažylisia».
- «Koła napampavać. Što tut niezrazumiełaha».
- «Na «A-100» treba, tam razumiejuć adrazu».
- «Svajoj movy nie viedaje, i heta vialikaja prablema pa ŭsioj krainie».
- «A kali b paprasiŭ chot-doh i jašče što-niebudź ź ježy, dyk čarha stajała b da dźviarej».
- «Na vakzale ŭ Homieli nie viedajuć słova «pavierch».
- «Ekzamienatar znajšoŭsia».
- «Ja nie adrazu zrazumieŭ, ale praź siekundu ŭzhadaŭ».
«Niepadkupnym» biełaruskim dypłamatam u Małdovie akazaŭsia kadravy supracoŭnik KDB2
Kamientary