Pamier ilhotnaha kredytu na budaŭnictva žylla ŭ Biełarusi pavialičany da 100%

Maksimalnaja vieličynia lhotnaha kredytu na budaŭnictva (rekanstrukcyju) žyłych damoŭ pavialičana da 100 pracentaŭ koštu narmatyvu lhotna kredytujemaj płoščy žyłoha pamiaškańnia typavych spažyvieckich jakaściej dla ŭsich hramadzian.

Takaja norma źmiaščajecca va ŭkazie Prezidenta Biełarusi ad 1 sakavika numar 120, jakim uniesieny dapaŭnieńni i źmianieńni va ŭkaz ad 14 krasavika 2000 hoda numar 185, paviedamili ŭ pres‑słužbie kiraŭnika dziaržavy.

Hetym dakumientam praduhledžvajecca źnižeńnie finansavaj nahruzki na hramadzian, jakija palapšajuć žyllovyja ŭmovy z pryciahnieńniem ilhotnych kredytaŭ, a taksama ŭdaskanaleńnie instytuta lhotnaha kredytavańnia žyllovaha budaŭnictva.

U metach źmianšeńnia abjomu ŭłasnych srodkaŭ hramadzian, što nakiroŭvajucca na budaŭnictva (rekanstrukcyju) abo nabyćcio žylla, va ŭkazie praduhledžana pavieličeńnie maksimalnaj vieličyni lhotnych kredytaŭ, što pradastaŭlajucca na budaŭnictva (rekanstrukcyju) žyłych damoŭ, jakija prymajucca ŭ ekspłuatacyju z poŭnaj adździełkaj, u pamiery 100 pracentaŭ koštu narmatyvu lhotna kredytujemaj płoščy žyłoha pamiaškańnia typavych spažyvieckich jakaściej dla ŭsich hramadzian (za vyklučeńniem šmatdzietnych siemjaŭ, jakija atrymlivajuć ilhotny kredyt u pamiery 95 pracentaŭ i adnarazovuju subsidyju ŭ pamiery 5 pracentaŭ koštu narmatyvu lhotna kredytujemaj płoščy žyłoha pamiaškańnia typavych spažyvieckich jakaściej).

Pavialičany maksimalny pamier ilhotnych kredytaŭ, što pradastaŭlajucca na nabyćcio žylla (za vyklučeńniem žylla, pabudavanaha śpiecyjalna dla prodažu):

‑ dla šmatdzietnych siemjaŭ, jakija palapšajuć žyllovyja ŭmovy šlacham nabyćcia žylla, — 100 pracentaŭ maksimalnaha pamieru kredytu, što vydzialajecca na budaŭnictva žylla (raniej było 90 pracentaŭ);

‑ dla hramadzian, jakija palapšajuć žyllovyja ŭmovy šlacham nabyćcia žylla, — 90 pracentaŭ maksimalnaha pamieru kredytu, što vydzialajecca na budaŭnictva žylla (raniej było 70 pracentaŭ).

Dziejańnie hetaj normy raspaŭsiudžvajecca na novyja kredytnyja dahavory, jakija zaklučajucca, na dahavory, pa jakich kredyty nie vydavalisia, a taksama na kredytnyja dahavory, pa jakich hramadzianam pradastaŭleny lhotnyja kredyty na budaŭnictva (rekanstrukcyju) žyłych pamiaškańniaŭ u žyłych damach, nie ŭviedzienych u ekspłuatacyju da 1 sakavika 2010 hoda.

U metach zabieśpiačeńnia dastupnaści lhotnych kredytaŭ dla hramadzian, jakija pražyvajuć i pracujuć u nasielenych punktach z kolkaściu nasielnictva da 20 tys. čałaviek, praduhledžana źnižeńnie płaty za karystańnie lhotnymi kredytami z 3 pracentaŭ da 1 pracenta hadavych. Dziejańnie hetaj normy budzie raspaŭsiudžvacca na novyja kredytnyja dahavory, jakija zaklučajucca, na dahavory, pa jakich kredyty nie vydavalisia, a taksama na kredytnyja dahavory, pa jakich hramadzianam pradastaŭleny lhotnyja kredyty na budaŭnictva (rekanstrukcyju) žyłych pamiaškańniaŭ u žyłych damach, nie ŭviedzienych u ekspłuatacyju da 1 sakavika 2010 hoda.

Akramia taho, uniesiena źmianieńnie, jakoje daje mahčymaść šmatdzietnym siemjam, što ažyćciaŭlajuć budaŭnictva žyłych pamiaškańniaŭ u nasielenych punktach z kolkaściu nasielnictva da 20 tys. čałaviek, atrymlivać ilhotnyja kredyty na budaŭnictva haspadarčych pabudoŭ (u pamiery da 20 pracentaŭ koštu budaŭnictva narmatyvu lhotna kredytujemaj płoščy).

Ukaz dapoŭnieny normaj, jakaja pradastaŭlaje prava na sumiesnaje vykarystańnie adnarazovaj subsidyi i lhotnaha kredytu hramadzianami, u składzie siemjaŭ jakich jość dzieci‑invalidy i invalidy ź dziacinstva I i II hrupy.

Ukaz ustupaje ŭ siłu z 1 sakavika 2010 hoda.

Savietu Ministraŭ daručana ŭ dvuchmiesiačny termin zabiaśpiečyć pryviadzieńnie narmatyŭnych pravavych aktaŭ u adpaviednaść z hetym ukazam.

• 0
• 0
• 0
• 0
• 0
• 0
• 0
• 0