Tracina apytanych rasijan paprasili ŭ Dzieda Maroza na Novy hod pieramohi ŭ vajnie va Ukrainie i adnaŭleńnia miru
Usierasijski centr vyvučeńnia hramadskaj dumki (VCIOM) pravioŭ telefonnaje apytańnie siarod 1600 rasijan na temu, što b jany paprasili ŭ Dzieda Maroza.
37% respandentaŭ zajavili, što chacieli b pažadać «zaviaršeńnia SVA našaj pieramohaj i adnaŭleńnia miru», paviedamlaje VCIOM. Pry hetym u vynikach apytańnia adznačana, što jany pažadali zakančeńnia «SVA» ŭvohule, nie tolki praź pieramohu.
12% apytanych skazali, što chacieli b paprasić u Dzieda Maroza zdaroŭja dla siabie i svaich blizkich albo vykanańnia asabistych žadańniaŭ, takich jak novy telefon, aŭtamabil, kvatera i inšaje. Jašče 7% pažadali stabilnaści, ekanamičnaha rostu dla krainy i źnižeńnia klučavoj staŭki.
6% respandentaŭ zajavili, što chacieli b ekanamičnaj stabilnaści «dla siabie», 2% — dabrabytu i spakojnaha žyćcia. Kožny dziasiaty adznačyŭ, što nie staŭ by pisać list Dziedu Marozu.
«Zaviaršeńnie kanfliktu — žadańnie, jakoje abjadnoŭvaje rasijskaje hramadstva, — heta śviedčyć pra vysoki ŭzrovień sacyjalnaj uklučanaści i razumieńnia rasijanami biahučaj situacyi», — padsumavaŭ VCIOM.
Režysiorka kancertaŭ dla Łukašenki śviatkavała Novy hod i Rastvo ŭ Vialikabrytanii — šmat FOTA8
Kamientary
Okončanije SVO / koniec SVO našiej pobiedoj / pobieda na SVO / viernuť rodstvieńnikov s SVO / blizkich / čtoby był mir / mir vo vsiem mirie / mirnoje niebo nad hołovoj
Hrupa adkazaŭ takoha typu.
Zdajecca, heta nie toje samaje, što 37 adsotkaŭ pažadali pieramohi. Kali trochi razvažyć, to zusim supraćlehłaje.