Sudździa Maskoŭskaha haradskoha suda Siarhiej Padapryhoraŭ prysudziŭ Džyna Śpiektara da 13 hadoŭ kałonii strohaha režymu pa spravie ab špijanažy i šlacham składańnia z papiarednim terminam pa spravie ab chabary vynies prysud — 15 hadoŭ kałonii strohaha režymu, piša «Miedyjazona».
Śpiektaru taksama pryznačany štraf 14 116 805 rasijskich rubloŭ (140 tysiač dalaraŭ).
Rašeńnie ab aryšcie pa hetaj spravie pryniaŭ Lefortaŭski rajonny sud Maskvy ŭ žniŭni 2023 hoda.
U 2022 hodzie Śpiektara prysudzili da troch z pałovaj hadoŭ kałonii strohaha režymu i štrafu bolš za 14 miljonaŭ rubloŭ pa spravie ab pasiarednictvie pry pieradačy chabaru ŭ asabliva bujnym pamiery.
Jak skazana ŭ pastanovie suda, u 2015—2016 hadach Džyn Śpiektar, jaki zajmaŭ pasadu staršyni rady dyrektaraŭ vytvorcy miedycynskich vyrabaŭ «Miedpalimierpram», vystupaŭ pasiarednikam pry pieradačy chabaru Anastasii Alaksiejevaj, eks-pamočnicy byłoha vice-premjera Rasii Arkadzia Dvarkoviča.
Pavodle viersii śledstva, chabar pieradavaŭsia ŭ intaresach troch farmaceŭtyčnych kampanij — «Prammied Rus», «Miedpalimierpram» i «R-Farm». Čynoŭnica pavinna była dapamahčy hetym kampanijam — naprykład, nie dapuścić uklučeńnia vyrablenych imi preparataŭ dla pachudzieńnia ŭ śpis zabaronienych u Rasii.
Śpiektar (Jaŭhien Śpiektar) naradziŭsia ŭ Leninhradzie, ale paźniej pierajechaŭ u ZŠA i atrymaŭ tam hramadzianstva.
Što za studentka Uljana, ź jakoj na bali valsiravaŭ Łukašenka?9
Kamientary
..Jak 100 hod tamu Trockij ci Śvierdłaŭ.
Rodny dziadźka Trockaha Abram Žyvatovskij spačatku plemiašu na " revalucyju" paśla plemiaš viartał prodraźvierstkaj kantrybucyjej hranavitaj pałataj ermitažam hrab nahrablennoje))