Адмова ад NATO і 20% тэрыторыі Украіны: Стала вядома пра ўмовы Пуціна на перамовах
Згодна з данымі амерыканскага выдання Bloomberg, Расія будзе патрабаваць ад Украіны разарваць ваенныя сувязі з НАТА і стаць нейтральнай краінай з абмежаванай арміяй. Гэтыя ўмовы стануць ключавымі на любых перамовах з будучым прэзідэнтам ЗША Дональдам Трампам, паведамляюць крыніцы, знаёмыя з гэтым пытаннем.
Як адзначае Bloomberg, прэзідэнт Расіі Уладзімір Пуцін «поўны рашучасці» дабіцца, каб Кіеў ніколі не далучыўся да NATO і меў абмежаваныя ваенныя магчымасці. Пра гэта журналістам на ўмовах ананімнасці паведамілі людзі, якія «ведаюць пазіцыю Крамля».
Адначасова Масква нібыта не будзе выступаць супраць паставак зброі Кіеву асобнымі краінамі NATO, але рашуча супраць таго, каб гэтая зброя выкарыстоўвалася супраць Расіі ці для вызвалення акупаваных тэрыторый. Акрамя таго, крыніцы выдання адзначаюць, што Пуцін настойвае на захаванні кантролю над прыблізна 20% тэрыторыі Украіны, уключаючы акупаваны Крым.
Таксама Крэмль нібыта адкрыты для пытання «абмену некаторымі тэрыторыямі». Якія менавіта тэрыторыі маюцца на ўвазе, не ўдакладняецца. Магчыма, гаворка ідзе пра Курскую вобласць Расіі, якую з 6 жніўня 2024 года часткова кантралююць украінскія войскі.
Суразмоўцы Bloomberg ва Украіне адзначаюць, што цяпер перамовы паміж Кіевам і Масквой абмяжоўваюцца толькі абменам палоннымі і вяртаннем дэпартаваных дзяцей.
-
У Чарнаўцах падчас ускрыцця цела вайскоўца, перададзенага ў рамках абмену з РФ, выявілі гранату
-
З’явіліся спадарожнікавыя здымкі з наступствамі ўдару ракет па бранскім заводзе мікраэлектронікі — ён разбураны
-
Расійскія ваенкары заяўляюць, што страты дасягнулі непрымальнага ўзроўню. «Чакае нас рэмейк восені 2022 года»
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары