U Sumach šachied udaryŭ pa šmatpaviarchoviku: čatyry čałavieki zahinuli, dzieviać paranienych
U noč na 30 studzienia rasijskija vajskovyja siły atakavali Sumy dronami-kamikadze. Adzin z šachiedaŭ trapiŭ u šmatpaviarchovy žyły dom.

Dziaržaŭnaja słužba pa nadzvyčajnych situacyjach udakładniła, što bieśpiłotnik urezaŭsia ŭ dziesiacipaviarchovy dom. U vyniku ataki razburanyja dzieviać kvater i 12 bałkonaŭ.
Ratavalniki dastali z-pad zavałaŭ cieły čatyroch zahinułych. Jak minimum dzieviać mirnych žycharoŭ atrymali ranieńni. Pošukavyja pracy praciahvajucca.
Siarod paranienych siamihadovaje dzicia i 18-hadovy chłopiec, jaki znachodzicca ŭ ciažkim stanie. Usie paciarpiełyja špitalizavany.
Pavodle kiraŭnika miascovaj administracyi Uładzimira Arciucha, udar pa šmatpaviarchoŭcy adbyŭsia kala 00:18. Z budynka evakujavali 118 čałaviek.
Kamientary