Na aporach samaha doŭhaha padviesnaha mosta ŭ Biełarusi zamacavali kanaty — kadry chodu kapitalnaha ramontu pakazaŭ aficyjny telehram-kanał kiraŭnika Hrodzienskaj vobłaści Uładzimira Karanika «Puł 4 Rehijon».
Rekanstrukcyja piešachodnaha vijaduka ŭ horadzie Masty pačałasia ŭ lipieni 2024 hoda — dla hetaha zbudavańnie amal poŭnaściu razabrali, a na jaho miescy naładzili pantonnuju pierapravu. Mostabudaŭniki zamianili staryja kanaty na novyja — ich ahulnaja vaha skłała 40 ton, a daŭžynia pieravyšaje 2,5 km.
Pracy ŭžo vychodziać na zaviaršalnuju stadyju, a adkryćcio mosta zapłanavana na 28 krasavika. Data abranaja nievypadkova: u hety dzień u 1972 hodzie padviesny most praź Nioman byŭ uračysta adkryty. Tady jon staŭ adzinym u rajcentry, bo ni piešachodnaha, ni aŭtamabilnaha mosta jašče nie było.
Raniej stała viadoma, što ŭčastak daŭžynioj 10 mietraŭ u centry novaha mosta budzie sa šklanoj padłohaj. Akramia hetaha, šklany poł dapoŭniać niezvyčajnaj padśvietkaj.
Kamientary