Nie dałučyŭšysia da zajavy krain niefarmalnaj hrupy siabroŭ demakratyčnaj Biełarusi, misija ZŠA pry ABSIE vydała asobnuju zajavu pa apošniaj vybarčaj kampanii ŭ Biełarusi.
U zajavie misii ZŠA pry ABSIE adznačajecca, što vybary byli praviedzienyja va ŭmovach
«represiŭnaha asiarodździa, jakoje charaktaryzujecca dziaržaŭnaj cenzuraj, praciaham represij suprać svabodnych i niezaležnych ŚMI i arhanizacyj hramadzianskaj supolnaści i vyklučeńnia demakratyčnaj apazicyi z palityčnaha pracesu».
«Nie stała ździŭleńniem, što Alaksandr Łukašenka abviaściŭ pra svaju pieramohu, niahledziačy na praces, jaki prajšoŭ sa mnostvam parušeńniaŭ i ŭ jakim u jaho nie było realnaj kankurencyi. Jahony režym praciahvaje zatrymlivać i źmiaščać u turmu tych, chto advažvajecca vykazvać mierkavańnie, adroznaje ad uchvalenaha naratyvu. Pavodle acenak, ciapier za kratami znachodziacca kala 1250 palityčnych źniavolenych, niahledziačy na niadaŭniaje vyzvaleńnie niekalkich dziasiatkaŭ čałaviek», — havorycca ŭ zajavie, datavanaj 30 studzienia.
Pry hetym amierykanskaja misija nahadvaje ŭładam Biełarusi «pra važnaść pryncypaŭ i abaviazacielstvaŭ ABSIE, jakija jana, jak i ŭsie dziaržavy-ŭdzielnicy, uziała na siabie, uklučajučy zachavańnie pravoŭ čałavieka i asnoŭnych svabod kožnaha».
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary