Rasijski pradprymalnik chacieŭ padmazać FSB, ale hrošy pa darozie raskrali pasiaredniki
Rasijski «Kommiersant'» piša pra aniekdatyčnuju historyju, jak były dyrektar bukmiekierskaj kampanii «Fanbiet» (jakaja aktyŭna pracuje i ŭ Biełarusi) Siarhiej Anochin, budučy zapadozrany ŭ kradziažach, prahnuŭ dać chabar FSB, ale vydzielenuju kruhłuju sumu da adrasata prosta nie danieśli.
Pa viersii Hałoŭnaha śledčaha ŭpraŭleńnia Śledčaha kamiteta Rasii pa Maskoŭskaj vobłaści, Siarhiej Anochin vyrašyŭ dać chabar supracoŭnikam FSB, jakija vyjavili kradziažy jaho asabistymi kampanijami biudžetnych srodkaŭ, vydzielenych na raźvićcio sportu ŭ staličnym rehijonie.
Pahavaryŭšy sa znajomymi siłavikami i daviedaŭšysia rascenki, za jakija ŭ FSB zapluščvajuć vočy na padobnyja parušeńni, Siarhiej Anochin sabraŭ 60 młn rasijskich rubloŭ (kala 600 000 dalaraŭ) najaŭnymi.
Ale pieradavać hrošy sam pradprymalnik nie ryzyknuŭ, źviarnuŭšysia da pasiarednikaŭ.
Pieradać hrošy ŭzialisia dva vysokija palicejskija načalniki, ale da ich z 60 miljonaŭ dajšli tolki 10 — astatniaje zabrali sabie ŭ jakaści ŭznaharodžańnia inšyja pasiaredniki. Kali ž palicejskija zabrali svajo ŭznaharodžańnie, to pieradavać uvohule ŭžo nie było čaho.
U vyniku ŭdzielnikam pravierki z FSB chabar dać navat nie pasprabavali. Adnak tyja, niejak daviedaŭšysia pra toje, što ich źbiralisia padkupić, dy tak i nie sabralisia, praviali apieracyju, padčas jakoj zatrymali jak Anochina, tak i najbolš aktyŭnych «rašał».
Ich abvinavacili ŭ dačy chabaru i pasiarednictvie ŭ hetym. Bolšaść udzielnikaŭ hetaj historyi pryznali vinu ŭ karupcyi, i tolki padpałkoŭnik, jaki byŭ u łancužku apošnim, admaŭlaje dačynieńnie da chabarnictva, zajaviŭšy, što jon prosta vyrašyŭ ździejśnić machlarstva (č.4 art. 159 KK), prysvoiŭšy hrošy.
BiełAZ masava padaje ŭ sud na rasijskija firmy. Što adbyvajecca?
«U siłu asabistych pryčyn nie moža praciahvać»: pry ćmianych abstavinach źmianiŭsia kiraŭnik u byłym adździaleńni biełaruskaha Ernst&Young
1xBet ładzić tysiačy fiktyŭnych matčaŭ, u tym liku ŭ Biełarusi. Na ich zarablajucca kaśmičnyja sumy
Kamientary