Pačałasia praca pa stvareńni archieałahičnaha muzieja pad adkrytym niebam na Miency
Dyrektar Instytuta historyi NANB Vadzim Łakiza na pres-kanfierencyi 6 lutaha paviedamiŭ, što na haradziščy na Miency źbirajucca adkryć archieałahičny muziej pad adkrytym niebam. Da maja va ŭrad płanujecca ŭnieści prapanovy pa muzieifikacyi kompleksu, piša «Biełaruś siehodnia».
«Pastaŭlena zadača muziejefikacyi abjektaŭ na Miency. Isnuje papiaredniaja architekturnaja kancepcyja, jakuju padrychtavali architektary pa našych idejach. Zaraz treba, kab na hetym miescy źjaviŭsia archieałahičny muziej pad adkrytym niebam. Praca viadziecca, Ministerstva kultury vystupaje jaje kaardynataram. Da maja my zaniasiem va ŭrad prapanovy pa muziejefikacyi i raźvićci kompleksu», — zajaviŭ Łakiza.
Pavodle jaho słoŭ, daśledavańnie kompleksu na Miency ŭklučana ŭ zaćvierdžanuju ŭradam kancepcyi farmiravańnia najbolš značnych nacyjanalnych archieałahičnych prajektaŭ na 2023-2030 hady.
«U vyniku raskopak upieršyniu dakazana isnavańnie abarončaj ściany staražytnaha horada X—XI stahodździaŭ, jaki znachodziŭsia tut. Ściana vyšynioj 5-6 mietraŭ z dubovymi kanstrukcyjami zachavałasia na płoščy pryblizna 900 mietraŭ. My jaje raskapali, ale hetaha mała: treba zachavać, zakansiervavać. Jość śpiecyjalisty, jakija dapamahajuć heta zrabić: praviali lidarnuju zdymku, zafiksavali, ciapier draŭlanyja kanstrukcyi znachodziacca ŭ homielskaj arhanizacyi, jakaja zajmajecca kansiervacyjaj sumiesna z navukoŭcami», — raskazaŭ Łakiza.
Jak jon śćviardžaje, u realizacyju prajekta «ŭciahnutaja ŭsia kraina».
«Dastatkova skazać, što tolki za minuły hod pad kiraŭnictvam navukoŭcaŭ tut paśpieli papracavać 500 studentaŭ-vałancioraŭ z 17 VNU, jakija prachodzili praktyku».
Dla muzieja na haradziščy chočuć uznavić žyłyja i haspadarčyja pabudovy, uvachodnuju hrupu, abarončyja kanstrukcyi, adnavić vał.
Archieołahi śćviardžajuć, što staražytny horad na Miency ŭźnik u kancy X stahodździa
Hałoŭčanka paabiacaŭ stvaryć muziej na haradziščy na Miency
U raskopkach na Miency čarhovaja siensacyja: znajšli mohiłki XI stahodździa
Mienka ci Śvisłač? Navukoŭcy Akademii navuk, zdajecca, pastavili kropku ŭ dyskusii, dzie zaradziŭsia staražytny Miensk
Ciapier čytajuć
Ryta Dakota nabyła dom za niekalki miljonaŭ dalaraŭ kala Halivuda15
Ryta Dakota nabyła dom za niekalki miljonaŭ dalaraŭ kala Halivuda
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary