Na haradziščy, raźmieščanym pad Minskam na race Mienka, budzie stvorany muziej, zajaviŭ premjer-ministr Raman Hałoŭčanka padčas naviedańnia miesca raskopak. Pavodle jahonych słoŭ, praca nad muziejem pačniecca jašče da zaviaršeńnia rabot.
«Raduje, što raskopki, jakija aktyŭna iduć užo dva hady i płanujecca padaŭžać na treci hod, a mienavita aktyŭna, masava z pryciahnieńniem hramadskaści, studentaŭ i hetak dalej. Jany paćvierdzili ŭsie pieršapačatkovyja vykładki, što sapraŭdy kompleks unikalny dla ŭschodniejeŭrapiejskaha rehijonu.
Sapraŭdy, tut było pasielišča vysokaha statusu, u poŭnym razumieńni taho času horad z adpaviednaj uładaj, uzbrojenymi siłami ŭ vyhladzie družyny, handlovym pasieliščam i hetak dalej. Tamu my havorym pra toje, što heta paŭnavartasny horad XI stahodździa na terytoryi Biełarusi, jaki, jak vy pravilna skazali, absalutna supastaŭny z usimi viadomymi haradskimi centrami taho času», — skazaŭ jon.
Hałoŭčanka ličyć, što abjekt treba ŭciahnuć u turystyčny abarot.
«Jon absalutna zasłužana pavinien być muziejefikavany i ŭklučany ŭ, kali možna tak skazać, turystyčny abarot, heta značyć pavinien byŭ stać adnym z tych miescaŭ, jakija pryciahvajuć turystyčnyja patoki jak našych hramadzian, tak i našych zamiežnych haściej. Tamu daručeńni na hety kont usie dadzienyja.
Ciapier treba skončyć navukovuju častku pracy. Ale my vyrašyli, što kančatkova nie budziem tak užo iści paśladoŭna: adno spačatku, druhoje, potym treciaje. Heta raściahniecca na zanadta doŭhi etap.
Tamu ŭžo zaraz adpaviednyja śpiecyjalisty pačnuć padrychtoŭku niejkich architekturna-mastackich rašeńniaŭ, jakim čynam zrabić tak, kab, pa-pieršaje, zrabić miesca bolš pryvabnym i nie sapsavać toj kałaryt, tuju aŭru taho vyhladu, u jakim hety pomnik dajšoŭ da našych dzion. Heta karpatlivaja, napeŭna, vielmi dalikatnaja praca, tvorčaja», — dadaŭ čynoŭnik.
Jon paabiacaŭ taksama znajści finansavańnie dla prajekta, ale, pa jaho słovach, spačatku treba vyznačycca z tym, jak budzie vyhladać muziej.
Mienka ci Śvisłač? Navukoŭcy Akademii navuk, zdajecca, pastavili kropku ŭ dyskusii, dzie zaradziŭsia staražytny Miensk
Na raskopkach na Miency znajšli tysiačahadovy huzik z pazałotaj
Na haradziščy na Miency raźbirajuć fantastyčnaj zachavanaści hihanckija dubovyja zruby X stahodździa
U raskopkach na Miency čarhovaja siensacyja: znajšli mohiłki XI stahodździa
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii7
Kamientary
Vo tak i skalapsujuć pad ŭłasnaj vahoj, jak łosievy rohi ŭ animacyi.
"znajści finansavańnie dla prajekta, ale, pa jaho słovach, spačatku treba vyznačycca z tym, jak budzie vyhladać muziej"
abjavić konkurs siarod nasielnictva. 300r. premii. i buduć niejkija mastackija rašeńni