Hramadstva1313

Kaho ź biznesmienaŭ Łukašenka paklikaŭ da siabie na naradu? Była i zasnavalnica Wildberries

U Biełarusi stvarajuć roŭnyja ŭmovy dla ŭsich, chto «pracuje na narod, pracuje sumlenna i pa zakonie». Ab hetym Alaksandr Łukašenka zajaviŭ 17 lutaha na sustrečy z pradstaŭnikami pryvatnych pradpryjemstvaŭ.

Na sustreču byli zaprošany amal dva dziasiatki pradstaŭnikoŭ biznesu — kiraŭniki roznych kampanij i pradpryjemstvaŭ, jakija pracujuć u Biełarusi. U ich liku kiraŭnik sialanskaj haspadarki «SPARTAN-AHRA» Ihar Abramčyk, dyrektar unitarnaha pryvatnaha navukova-vytvorčaha pradpryjemstva «Technalit» Alaksandr Badziaka, dyrektar TAA «PAŽSNAB» Aleh Dziarabin, hiendyrektar TAA «FREŠPAK SALUŠENS» Uładzimir Pachomaŭ, hiendyrektar TAA «Mašynabudaŭničaje pradpryjemstva «Kampa» Valancin Pikul, dyrektar sumiesnaha tavarystva z abmiežavanaj adkaznaściu «Alumtechna» Siarhiej Savietnikaŭ, dyrektar pryvatnaha vytvorča-handlovaha ŭnitarnaha pradpryjemstva «Vitbudtechmaš» Andrej Sidaraŭ, a taksama zasnavalnica rasijskaha markietpłejsa Wildberries Taćciana Kim. 

Siarod udzielnikaŭ taksama kiraŭnictva ŭrada, Savieta Respubliki, Administracyi Łukašenki, staršyni abłvykankamaŭ.

Alaksandr Łukašenka na sustrečy paabiacaŭ «žorstka padtrymlivać» pryvatny biznes.

«Nie tolki roŭnyja ŭmovy. My pryvatny siektar budziem padtrymlivać. Heta majo asabistaje staŭleńnie. Chto sapraŭdy pracuje, vobrazna kažučy, tych budziem žorstka padtrymlivać. I vy tolki skažycie, chto vam pieraškadžaje, — hałava adrazu źlacić ź luboha, budź jon u pahonach, biez pahonaŭ abo dziaržaŭny słužačy. Tolki skažycie, ale sami vy pavinny być čystyja i prazrystyja, jak škło. Voś adzinaje, što ja ad vas prašu. Nichto ŭ vas biznes nie adbiare, nichto vas nachilać nie budzie, dzialić niešta nie budzie. Heta ja vam harantuju. Ale dziaržaŭnaja cikavaść pierš za ŭsio», — skazaŭ jon.

Źviartajučysia da zasnavalnicy Wildberries Taćciany Kim, Łukašenka skazaŭ: 

«Ja nie chaču, kab źnikli kramy krokavaj dastupnaści, maleńkija kramki i hetak dalej. Ja nie chaču, kab była manapolija bujnych sietak. I nie chaču, kab u kahości byli takija ŭmovy, a ŭ hetych — hetakija. Ale kali niechta madernizavaŭsia i prasunuŭsia ŭ budučyniu, a Wildberries pracuje mienavita tak (ja ŭžo bajusia, što ŭvieś handal chutka piarojdzie ŭ internet), takija pradpryjemstvy my budziem padtrymlivać. Ale luboje pradpryjemstva musić pracavać na Biełaruś, na dziaržavu. Tady ŭ mianie nijakich nie budzie da vas pretenzij», — zaklikaŭ biznes da łajalnaści Łukašenka.

Kamientary13

  • Biźnies Biełarusi
    17.02.2025
    Ty i pieraškadžaješ
  • Piatruechin
    17.02.2025
    A Mašenski byŭ?
  • Byvały
    17.02.2025
    Milliardier oliharch sobrał sovieŝanije s millionierami oliharchami a takžie pozvał priedstavitielnicu putinskoj oliharchii dla pierienimanija opyta.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Chto staić za pravakatyŭnaj supołkaj DoŁHB? Zdajecca, niepałochanyja školniki4

Chto staić za pravakatyŭnaj supołkaj DoŁHB? Zdajecca, niepałochanyja školniki

Usie naviny →
Usie naviny

U Dziarždepartamiencie ZŠA buduć radykalna skaračać struktury, zaniatyja pravami čałavieka4

Słavu Kamisaranku pazbavili rasijskaha hramadzianstva8

Piaskoŭ nie paćvierdziŭ, što Pucin hatovy abmiežavacca faktyčna akupavanymi terytoryjami Ukrainy

Pucin prapanavaŭ spynić kanflikt pa ciapierašniaj linii frontu — Financial Times12

Zialenski: Ukraina jurydyčna nie pryznaje akupacyju Kryma, jość Kanstytucyja

«Čym pakistancy ŭ Biełarusi adroźnivajucca ad biełarusaŭ u Polščy?»57

Na čyhunačnym vakzale ŭ Minsku pastavili apteku-robata2

ZŠA zaŭtra prapanujuć Ukrainie i Jeŭropie pryznać Krym rasijskim — The Washington Post26

Minabarony Rasii śćviardžaje, što arsienał va Uładzimirskaj vobłaści ŭzarvaŭsia z-za «parušeńnia patrabavańniaŭ biaśpieki»6

bolš čytanych navin
bolš łajkanych navin

Chto staić za pravakatyŭnaj supołkaj DoŁHB? Zdajecca, niepałochanyja školniki4

Chto staić za pravakatyŭnaj supołkaj DoŁHB? Zdajecca, niepałochanyja školniki

Hałoŭnaje
Usie naviny →

Zaŭvaha:

 

 

 

 

Zakryć Paviedamić