«Dzikaje palavańnie karala Stacha», mahčyma, ekranizujuć u Polščy
Kinaprajekt pad nazvaj «Dzikaje palavańnie karala Stacha» pavodle adnajmiennaha słavutaha tvora Uładzimira Karatkieviča atrymaŭ hrašovuju padtrymku ad Polskaha instytuta kinamastactva, paviedamlaje telehram-kanał «Supołka biełaruskich piśmieńnikaŭ».
Biełaruski režysier Alaksiej Rakovič prakamientavaŭ heta tak: «Ja maju pravy na ekranizacyju poŭnaha mietra i sieryjalnaj viersii. Što datyčna samoha prajekta, to jon jašče ŭ samym pačatku. My vyjhrali konkurs tolki na raspracoŭku scenara. Tamu idzie marudnaja praca pa składvańni kapradukcyi. Paralelna my z maimi polskimi i biełaruskimi kalehami stvarajem druhi čarnavik litaraturnaha scenaryja. Jość kantrakt ź niamieckaj i polskaj kinakampanijami».
Kamientary