Jehiery ź biełaruskich lashasaŭ budujuć dla hniezdavańnia kačak śpiecyjalnyja «kvatery». Naprykład, niedaloka ad Pružanaŭ uładkavali bolš za 10 štučnych hnieździščaŭ.
Pa słovach śpiecyjalistaŭ, daśledavańni arnitołahaŭ śviedčać, što z 400 adkładzienych kačkami jajek ptušaniaty źjaŭlajucca mienš čym z 100.
«Naziemnyja drapiežniki całkam źniščajuć kładki vodna-bałotnych ptušak u nievialikich i časovych vadajomach. A mienavita hetyja vadajomy vałodajuć najlepšaj karmavoj bazaj dla ptušak», — raskazaŭ načalnik adździeła palaŭničaj haspadarki Minlashasa Alaksandr Kazarez.
Rašeńnie znajšli jakraz u stvareńni padobnych chatak. Jany biaśpiečnyja dla kačak i niedastupnyja dla naziemnych drapiežnikaŭ. U lashasach dadali, što najlepšym čynam siabie zarekamiendavali hnieździščy sa zvarnoj sietki na kałach. Jany zabiaśpiečvajuć stopracentnuju zachavanaść kładak kačak.
Kamientary