Čarhiniec pra Dzień Voli: «Tyja ludzi prahnuli stvaryć niezaležnuju biełaruskuju dziaržavu. I heta varta vitać»
25 Sakavika — dzień abviaščeńnia niezaležnaści Biełaruskaj Narodnaj Respubliki — adznačajecca jak śviata nacyjanalnaha vyzvaleńnia. «NN» źviarnułasia da viadomych ludziej z pytańniem, jak jany śviatkujuć hety dzień. Voś što adkazaŭ palityk-łukašenkaviec Mikałaj Čarhiniec:
Ja liču, što my pavinny adčuvać Dzień Voli kožny dzień, a nie tolki ŭ niejki adzin kankretny. Tamu i śviatkavać niejak asabliva nie varta. Uvohule, nie treba palityzavać i manapalizavać idei svabody i demakratyi. Ja padtrymlivaju raźvićcio demakratyi ŭ Biełarusi. Da samich padziej 25 Sakavika 1918 hoda ŭ mianie padvojnaje staŭleńnie. Z adnaho boku, tyja ludzi prahnuli stvaryć niezaležnuju biełaruskuju dziaržavu. I heta varta vitać.
A ź inšaha, siońnia datu 25 Sakavika vykarystoŭvajuć u palityčnych metach.
Na historyju treba hladzieć, ničoha ź jaje nie vykidvajučy. Kali ŭ časy SSSR niešta vykidvali z padručnikaŭ, heta treba viarnuć.
Treba, kab usio ŭ historyi naroda i krainy zastavałasia — i čornaje, i biełaje.
-
Kaleśnikava: Ja nikoli nie kažu pra vajennyja sankcyi. Ale isnuje spartyŭny trek, pamiežnyja pytańni, miedycyna — usio što zaŭhodna
-
Hurnievič: U historyi pieramožca zaŭsiody vyhladaje tym, chto mieŭ płan. Ale vyrašajuć niečakanaści i vypadkovaści
-
Statkievič — Kaleśnikavaj: Ludzi nie skacina na bazary
Kamientary