Historyja teraktaŭ u maskoŭskim mietro

Pieršy vybuch u padziemcy Maskvy prahrymieŭ u 70-ch XX stahodździa. Žudasnuju hieahrafiju teraktaŭ u 2001 h. papoŭniła stancyja «Biełaruskaja».

Terakty ŭ na stancyjach «Łubianka» i «Park kultury» maskoŭskaha mietro 29 sakavika 2010 h. pieravalili za sotniu lik achviaraŭ vybuchaŭ u padziemcy. Rasijskija ŚMI padajuć roznyja źviestki pra samy pieršy terakt u maskoŭskim mietro. Naprykład «Iźviestija» pišuć pra vybuch 20 kastryčnika 1974 hoda na stancyi «Płošča Revalucyi». Tady abyšłosia biez achviaraŭ.

Inšyja krynicy nazyvajuć pieršym u historyi teraktam u maskoŭskim mietrapalitenie sieryju vybuch 8 studzienia 1977 hoda. Tady ŭ ciahniku na pierahonie pamiž stancyjami «Izmajłaŭskaja» i «Pieršamajskaja» pryblizna ŭ 17:33 pa miascovym časie prahrymieŭ vybuch. Zahinuła 7 čałaviek i jašče 37 atrymali ranieńni roznaj stupieni ciažkaści. Vinavatymi pryznali 32-hadovaha Ściapana Zacikiana i dvuch jahonych pamahatych z Nacyjanalnaj vyzvalenčaj partyi Armienii. Usie jany byli pakaranyja śmierciu.

Nastupny terakt u maskoŭskim mietro adbyŭsia amal praz 20 hadoŭ. 11 červienia 1996 hoda ŭ ciahniku na pierahonie pamiž stancyjami «Tulskaja» i «Nahacinskaja» spracavała samarobnaje vybuchovaje prystasavańnie, ekvivalentnaje pa mahutnaści 1 kh tratyłu. Vybuchoŭka była zakładzienaja pad siadzieńnie. Zahinuli 4 čałavieki, 14 byli paranienyja, ad vybuchu byŭ razburany adzin vahon.

Praz 4 hady 8 žniŭnia 2000 hoda prahrymieŭ vybuch u pierachodzie na Puškinskaj płoščy zabraŭ žyćci 13 čałaviek, 118 čałaviek byli paranieny. Vybuchovaje prystasavańnie mahutnaściu 800 h u tratyłavym ekvivalencie, načynienaje vintami i šrubkami, było pakinutaje ŭ haspadarčaj sumcy pobač z handlovymi paviljonami.

Praz paŭhoda hrymnuła na stancyi «Biełaruskaja». 5 lutaha 2001 hoda ŭ 18:45 pa miascovym časie spracavała bomba, zakładziena pad marmurovuju łavu, raźmieščanuju na płatformie. Łava i ŭratavała ludskija žyćci. Paciarpieła kala 20 čałaviek.

Praz try hady 6 lutaha 2004 hoda a pałovie na 9-ju pa maskoŭskim časie na pierahonie pamiž stancyjami «Aŭtazavodskaja» i «Pavialeckaja» ŭ ciahniku teraryst-śmiarotnik pryvioŭ u dziejańnie samarobnaje vybuchovaje prystasavańnie mahutnaściu 4 kh u tratyłavym ekvivalencie. Uradženiec Karačajeva-Čarkiesii Anzor Ižajeŭ zabiŭ 41 čałavieka i zvyš 250 paraniŭ. FSB Rasii nazvała arhanizataram teraktu byłoha kursanta vajennaj vučelni Paŭła Kasałapava.

Jašče praz paŭhoda praz, u kancy žniŭnia 2004 hoda terarystka-śmiarotnica pryviała ŭ dziejańnie vybuchovaje prystasavańnie na ŭvachodzie ŭ stancyju mietro «Ryžskaja». U vyniku zahinuli 10 čałaviek.

Achviarami vybuchaŭ na stancyjach «Łubianka» i «Park kultury» maskoŭskaha mietro

29 sakavika 2010 h.

• 0
• 0
• 0
• 0
• 0
• 0
• 0
• 0