Adzinaccacikłaśniki z Hrodna vyrašyli zrabić apošni tydzień u škole zapaminalnym — i stali zorkami tyktoku
Kožny dzień apošniaha navučalnaha tydnia adzinaccacikłaśniki hrodzienskaj škoły №37 zrabili tematyčnym. Videa školnikaŭ ahułam užo nabrali bolš za 3 miljony prahladaŭ.
Dla paniadziełka vučni abrali temu dziacinstva. Jany pryjšli na zaniatki z cackami: chtości dadaŭ da svajho vobrazu kryły fiei, chtości prykaciŭ ružovy vazočak.
U aŭtorak chłopcy i dziaŭčaty apranalisia ŭ styli 90-ch: spartyŭnyja kaściumy, malinavy pinžak i šmat vopratki kisłotnych koleraŭ. Było i dadatkovaja zadańnie: prynieści ŭ škołu nieabchodnyja dla vučoby rečy biez svajho zvyčajnaha zaplečnika. Vykarystoŭvali košyki, viodry, čachoł dla hitary. Ale bolš za ŭsio kamientataram u tyktoku spadabałasia dziaŭčyna, jakaja pryniesła sšytki ŭ rašotcy dla hrylu. Darečy, rolik, pryśviečany hetamu dniu, užo nabraŭ 1,3 miljona prahladaŭ.
Sierada prajšła ŭ stylistycy Havajaŭ. Tam u adzieńni było šmat jarkich koleraŭ, a dziaŭčaty ŭpryhožvali siabie kvietkami.
U čaćvier nadyšoŭ čas 2k17 style (heta niefarmalnaja nazva modnych tendencyj, charakternych dla siaredziny i druhoj pałovy 2010-ch). Tamu školniki načapili dziravyja džynsy i mini-spadnicy, jakija b u luby inšy dzień daviali b administracyju ŭstanovy da infarktu.
U piatnicu školniki kaspłeili lubimych piersanažaŭ. Tut byli i Niea z «Matrycy», i kaŭboj Vudzi z «Historyi cacak».
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie14
Kamientary
Hanarusia!
Łajk Zasłužany! Vydatnaja Ideja!