Учора Мінск зноў апынуўся пад вадой пасля моцнай залевы. Дажджы паралізавалі рух на многіх вуліцах, залілі падвалы дамоў і гандлёвых цэнтраў, ператварыўшы гарадскія дарогі ў рэкі. Найбольш пацярпелі раёны Нямігі, вуліцы Прытыцкага, Шаранговіча, а таксама нізінныя часткі Уручча і Чыжоўкі.
У сацсетках з'явіліся відэа, дзе аўтамабілі літаральна плывуць, а пешаходы з цяжкасцю пераходзяць праз ваду.
Хоць гарадскія ўлады штогод заяўляюць пра гатоўнасць да непагоды, мінчукі з году ў год зноў і зноў назіраюць адну і тую ж сітуацыю.
У чым прычына: у незвычайным надвор’і ці ў праблемах інфраструктуры, задаецца пытаннем гарадскі тэлеграм-канал This Minsk Media.
Па-першае, нягледзячы на абнаўленні, ліўневая каналізацыя ў Мінску састарэлая і не вытрымлівае сучасных нагрузак. У некаторых раёнах яна не рамантавалася яшчэ з савецкага часу, трубы засмечаныя лістотай, пяском і бытавымі адкідамі.
Па-другое, у горадзе значна паменела зялёных тэрыторый, якія раней натуральна ўбіралі дажджавую ваду. Іх замянілі асфальт і плітка, праз якія вада не пранікае ў глебу, а залівае дарогі і тратуары, перагружаючы дрэнна працуючую сістэму.
Трэцяя прычына — змяненне клімату. Паводле даных сіноптыкаў, у Беларусі ўсё часцей фіксуюцца экстрэмальныя з’явы надвор’я. Залевы, як тая, што прайшла 5 чэрвеня і прынесла да 40 мм ападкаў — амаль месячную норму, — сталі сапраўдным выпрабаваннем для інфраструктуры.
Камунальныя службы, якія працавалі да позняга вечара, заслугоўваюць удзячнасці. Але без маштабнай мадэрнізацыі ліўневай сістэмы і стварэння эфектыўных водазборных рашэнняў праблема так і будзе паўтарацца штогод.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары4
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
А так слушна, Вы б задаліся пытаннем яшчэ, колькі учора было патоплена кітайскіх электрычак у Мінску)