Mahutnaja zaleva pakinuła paśla siabie nie tolki zatoplenyja vulicy i paralizavany ruch, ale i dziasiatki aŭtamabilaŭ biez numarnych znakaŭ.
Kiroŭcy, jakija pierasiakali hłybokija łužyny, časta hublali rehistracyjnyja znaki: ich prosta zmyvała patokami vady. Znajści numar na zatoplenych vulicach — sapraŭdnaja ŭdača, i minaki časta raźmiaščali znachodki kala słupoŭ, aharodžaŭ i dreŭ.
Kali vy zhubili numarny znak, nieabchodna źviarnucca ŭ padraździaleńnie DAI pa miescy rehistracyi aŭtamabila. Tam spatrebicca napisać zajavu i apisać abstaviny straty, piša Onliner.by.
Dla žycharoŭ Minska taksama dastupnaja infarmacyja pa telefonach: 8 (017) 270-19-19, 8 (017) 270-08-29 — možna daviedacca, ci nie byŭ vaš numar znojdzieny i dastaŭleny ŭ adździaleńnie.
Kali ž vy, naadvarot, znajšli čužy numar, to jaho treba pieradać u bližejšaje adździaleńnie DAI abo AUS albo paviedamić pra znachodku pa vyšejpakazanych telefonach.
Kamientary