Kali ŭ vas prablemy ź lišniaj vahoj, vy ryzykujecie nie tolki na chvaroby serca i dyjabiet, ale i na asabliva surjoznyja paškodžańni ŭ avaryi.
Zhodna z daśledavańniem, apublikavanym on‑łajn časopisam Public Library of Science Medicine, pry aŭtamabilnym sutyknieńni toŭstyja mužčyny majuć bolš šansaŭ atrymać ciažkija traŭmy vierchniaj pałovy tułava, čym mužčyny narmalnaj vahi, ci tyja, chto tolki krychu paŭnavaty. Dla žančyn zakanamiernaść prasočvałasia nie tak vyrazna.
Prablemu vyvučali ŭ Daślednickim instytucie traŭmatałohii Miedycynskaha koledža ŭ amierykanskim Viskonsinie. Kab vyjavić upłyŭ vahi na ryzyku padčas avaryi, kamanda daśledčykaŭ vykarystała toŭstyja lalki dla kraš‑testaŭ u kamputaryzavanaj simulacyi sutyknieńniaŭ. Zvyčajna dla prajektavańnia i testaŭ užyvajuć takich lalek, što pamierami i vahoj adpaviadajuć narmalnym paramietram. Ale kala 30% darosłych amierykancaŭ pakutujuć na atłuścieńnie.
Testy paćvierdzili infarmacyju statystyki kala 11 000 łabavych sutyknieńniaŭ: toŭstyja kiroŭcy majuć asabliva vyskuju ryzyku atrymać surjoznyja paškodžańni hałavy, tvaru, hrudnoj kletki i pazvanočniku.
Cikava, što dla žančyn ryzyka niekalki inšaja — brušnaja vobłaść. Čyńnikam hetaha mohuć być adroźnieńni ŭ formie tułava i raźmierkavańni tłustu pamiž mužčynami i žančynami.
Daśledčyki miarkujuć, što ich vynachodnictva dapamoža identyfikavać ludziej z najvyšejšaja ryzykaj paškodžańniaŭ i dapamoža vytvorcam aŭtamabilaŭ rabić svoj pradukt bolš biaśpiečnym.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?8
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3131
Kamientary