Za niekalki dzion da hetaha azierbajdžanskija pravaachoŭniki ŭziali pad kantrol budynak «Russkoho doma» ŭ Baku — štab-kvatery «Rassupracoŭnictva», klučavoj struktury rasijskaha ŭpłyvu.
Rasijskamu boku nakiravana aficyjnaje apaviaščeńnie ab spynieńni dziejnaści ahienctva «Rassupracoŭnictva» na terytoryi Azierbajdžana. Ab hetym miascovaje vydańnie Report paviedamlaje sa spasyłkaj na infarmavanyja krynicy.
Ananimny surazmoŭca vydańnia paviedamiŭ, što Azierbajdžan sam staŭ donaram i nie maje patreby ŭ dapamozie zvonku, «asabliva kali takaja dapamoha akazvajecca na padstavie nieprazrystych schiem, a struktura arhanizacyj nosić adkryta raźviedvalny charaktar».
Za niekalki dzion da hetaha azierbajdžanskija pravaachoŭniki ŭziali pad kantrol budynak «Russkoho doma» ŭ Baku — štab-kvatery «Rassupracoŭnictva».
Jak vyśvietliłasia, u arhanizacyi nie było nieabchodnaj rehistracyi ŭ Azierbajdžanie. «Čamu jamu (Domu — TMT) dazvalali pracavać bieź jaje — tema asobnaj i vielmi surjoznaj razmovy», — paviedamlali infarmavanyja krynicy vydańnia Minval.
Anałahičnaje rašeńnie było raniej pryniata ŭ dačynieńni da amierykanskaha ahienctva USAID, pryčym jašče da inaŭhuracyi prezidenta Donalda Trampa i jaho prypynieńnia dziejnaści dadzienaj struktury.
Adnosiny Rasii i Azierbajdžana ciapier mocna sapsavanyja: rasijanie źbili azierbajdžanski samalot i nie zmahli z pavahaj da trahiedyi i azierbajdžanskaha boku vybačycca i pakarać vinavatych.
Ranicaj 25 śniežnia samalot Azerbaijan Airlines, jaki lacieŭ z Baku ŭ Hrozny, upaŭ blizu aeraporta Aktau na zachadzie Kazachstana. Kali samalot pralataŭ nad Čačnioj, pa im udaryła SPA, jakaja pracavała ŭ vyniku nalotu bieśpiłotnikaŭ.
Na borcie łajniera było 67 čałaviek, u tym liku 37 hramadzian Azierbajdžana, 16 rasijanaŭ, šeść kazachstancaŭ i troje hramadzian Kyrhyzstana. U avijakatastrofie zahinuli 38 čałaviek, 29 vyžyli.
Prezident Azierbajdžana Ilcham Alijeŭ nie adnojčy patrabavaŭ ad Rasii, kab vinavatyja narešcie byli pakaranyja. «My patrabujem čałaviečych pavodzin», — źviartaŭsia jon publična da Rasii.
«Pieršyja try dni my nie čuli ad Rasii ničoha, akramia varjackich viersij», — aburaŭsia jon.
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk2
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1919
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu19
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
U vas jość što jašče špurnuć u harod Alijeva ? Padumajcie,..[Red. Vydalena]