Ahienctva ZŠA pa mižnarodnym raźvićci (USAID) z 1 lipienia aficyjna spyniaje administravańnie prahram zamiežnaj dapamohi. Častka hetych prahram piarojdzie pad kiravańnie Dziaržaŭnaha departamienta. Pra heta zajaviŭ dziaržaŭny sakratar ZŠA Marka Rubia na płatformie Substack.
Z hetaha času prahramy zamiežnaj dapamohi, jakija adpaviadajuć palitycy administracyi prezidenta Donalda Trampa i prasoŭvajuć intaresy ZŠA, budzie administravać Dziaržaŭny departamient. Pa słovach Rubia, heta dazvolić realizavać ich z «bolšaj padspravazdačnaściu, stratehijaj i efiektyŭnaściu».
«My budziem addavać pryjarytet handlu nad dapamohaj, mahčymaściam nad zaležnaściu i inviestycyjach nad dapamohaj», — zajaviŭ Marka Rubia.
«My nie budziem prasić prabačeńnia za pryznańnie taho, što daŭniaja addanaść Amieryki humanitarnaj dapamozie i ekanamičnamu raźvićciu za miažoj pavinna być nakiravana na prasoŭvańnie źniešniaj palityki «Amieryka vyšej za ŭsio», — padkreśliŭ dziaržsakratar ZŠA.
«Zanadta časta hetyja prahramy padtrymlivali antyamierykanskija idei i hrupy ad hłabalnych inicyjatyŭ pa DEI (raznastajnaści, roŭnaści i inkluzii), cenzury i apieracyj pa źmienie režymaŭ da NDA i mižnarodnych arhanizacyj, jakija supracoŭničajuć z kamunistyčnym Kitajem i inšymi hieapalityčnymi supiernikami», — zajaviŭ Rubia.
«Amierykancy nie pavinny płacić padatki dla finansavańnia niahiehłych uradaŭ u dalokich krainach. U dalejšym naša dapamoha budzie adrasnaj i abmiežavanaj pa časie», — dadaŭ jon.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary
Oj. Heta jon pra što?