Nie mienš jak 19 čałaviek zahinuli i bolš za 100 atrymali ranieńni ŭ vyniku krušeńnia vučebnaha samalota vajskova-pavietranych sił Banhładeš, jaki ŭpaŭ na terytoryju školnaha kampusa ŭ stalicy krainy horadzie Daka, piša Bi-bi-si.
Kolkaść zahinułych moža pavialičycca, aficyjnyja krynicy padajuć roznyja danyja pra kolkaść zahinułych i paranienych.
Vykładčyk kaledža Riezauł Isłam raspavioŭ, što bačyŭ, jak samalot urezaŭsia prosta ŭ budynak. Inšy vykładčyk Masud Taryk paviedamiŭ, što pačuŭ vybuch: «Kali ja azirnuŭsia, ja ŭbačyŭ tolki połymia i dym… Tut było šmat darosłych i dziaciej».
Bolš za 50 čałaviek, u tym liku dziaciej i darosłych, byli dastaŭleny ŭ balnicu z apiokami, paviedamiŭ doktar Nacyjanalnaha instytuta apiokavaj i płastyčnaj chirurhii.
Vajskoŭcy paćvierdzili, što vučebny samalot F-7 BGI paciarpieŭ krušeńnie. Samalot uźlacieŭ u 13:06 (07:06 pa Hrynvičy), — havorycca ŭ zajavie VPS.
Kiraŭnik časovaha ŭrada Banhładeš Muchamad Junus zajaviŭ, što buduć pryniatyja miery dla rasśledavańnia pryčyn incydentu i «zabieśpiačeńnia ŭsiebakovaj dapamohi».
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta5
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary