U rečcy Krapiviency rasiejskija zachopniki tapilisia, kali ŭciakali na ŭschod. Ciapier na hetym miescy leciščy aršancaŭ
Krapivienskaje pole čakaje ŭdzielnikaŭ i haściej tradycyjnaha festu biełaruskaj aŭtarskaj pieśni, pryśviečanaha čarhovym uhodkam bitvy pad Voršaj. Pieršy fest arhanizavali miascovyja aktyvisty jakraz 15 hadoŭ tamu. Adbyŭsia jon kala miesca ŭpadzieńnia nievialikaj rečki Krapivienki ŭ Dniapro. Z taho momantu amal kožny hod siudy źbirajucca natoŭpy biełaruskich patryjotaŭ.
Ščyra kažučy, samo pole histaryčnaj bitvy, dzie ŭ vieraśni 1514 hodu 30 tysiačaŭ vajaroŭ Vialikaha Kniastva Litoŭskaha pad kamandavańniem Kanstancina Astrožskaha razhramili ŭščent 80-tysiačnaje maskoŭskaje vojska, jak vynikaje ź planaŭ miascovaści i mapaŭ, znachodzicca krychu bližej da Voršy — pamiž vioskami Pašyna i Šuhajłava. A ŭ rečcy Krapiviency rasiejskija zachopniki tapilisia, kali ŭciakali na ŭschod. Ale na hetym miescy ciapier leciščy aršancaŭ dy i pry apisańniach mahli nabłytać.
Usio heta nieistotna dla ludziej, jakija šanujuć svaju Radzimu i jejnuju vajskovuju słavu. Tamu i źbirajucca jany, tamu i hučać tutaka ŭsiu noč staražytnyja i sučasnyja śpievy. Tamu i ličać za honar vystupić pierad hetymi ludźmi lepšyja bardy Biełarusi — Viktar Šałkievič i Źmicier Bartosik, Aleś Kamocki i Andrej Mielnikaŭ, Lera Som i Źmicier Sidarevič dy mnohija-mnohija inšyja.
Sioletni fest taksama źbiare bahata ŭdzielnikaŭ i haściej. Doždž, pa prahnozie, abiacaje ŭ noč z suboty na niadzielu zrabić pierapynak. Miascovyja aktyvisty, jak zaŭždy, padrychtujuć placoŭki dla namiotaŭ i drovy dla vohniščaŭ. Zastajecca sabracca, pryjechać i razam z adnadumcami adśviatkavać znamianalny Dzień biełaruskaj vajskovaj słavy.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»28
Kamientary