U piatnicu, 5 vieraśnia, startuje adboračny turnir da čempijanatu śvietu pa futbole — 2026.
Zbornaja Biełarusi trapiła ŭ adboračnuju hrupu sa zbornymi Hrecyi, Šatłandyi i Danii. 5 i 8 vieraśnia (piatnica i paniadziełak) padapiečnyja Karłasa Ałosa zhulajuć z Hrecyjaj i Šatłandyjaj.
5 vieraśnia biełarusy zhulajuć u hreckim Pirei z Hrecyjaj. Hety pajadynak pakaža STB. Pačatak tranślacyi ŭ 21:45.
8 vieraśnia — matč z Šatłandyjaj ŭ vienhierskim Załaehiersiehu. Matč pakaža taksama STB. Pačatak u 21:45.
Adboračny turnir u našaj hrupie projdzie ŭvosień. Jašče dźvie hulni adbuducca ŭ siaredzinie kastryčniku, dźvie — u listapadzie.
Na čempijanat śvietu aŭtamatyčna traplaje zbornaja, što zavajuje pieršaje miesca, a kamanda, što finišuje na druhim miescy, trapić u płej-of z 12 zbornych, što finišujuć druhimi, i 4 kamandami ź Lihi nacyjaj, jakija vyznačać u płej-of čatyroch ščaśliŭčykaŭ.
Pierad zbornaj Biełarusi pastaŭlena zadača trapić u płej-of. Našy futbalisty ni razu nie hulali na čempijanatach Jeŭropy ci śvietu.
Ciapier čytajuć
Zołkin pra Babaryku i Kaleśnikavu: Heta biełahvardziejskaja apazicyja, jak i Jašyn, i Kara-Murza13
Kamientary